Ang Gahum sa Priesthood

Presidente Thomas S. Monson, “Andam ug Takus nga Moserbisyo,” Liahona, Mayo 2012, 67, 68.

Panahon sa Ikaduhang Gubat sa Kalibutan, sa sayong bahin sa 1944, ang kasinatian kalabut sa priesthood nahitabo [ug] gisaysay sa usa ka reporter—dili miyembro sa Simbahan—nga nagtrabaho sa usa ka pamantalaan sa Hawaii. … Siya ug ang ubang mga reporter nagsunod sa mga marine didto sa Kwajalein Atoll. Pag-adto nila sa unahan, nakita nila ang batan-ong marine naglutaw nga nagkulob sa tubig, nasamdan og grabe. Ang mabaw nga tubig libut kaniya napuno sa iyang dugo. Ug dayon nakita nila ang laing marine nga nagpaingon sa iyang samdan nga kauban. Ang ikaduhang marine samdan usab, ang iyang walang kamot wala nay umoy. Iyang gipahangad ang ulo sa tawo nga naglutaw sa tubig aron dili siya malumos. Sa nahadlok nga tingog nangayo siya og tabang. Ang mga reporter mitan-aw og balik sa batan-on nga iyang gitabang ug mitubag, “Dong, wala nay mahimo alang niining tawhana.”

“Dayon,” misulat ang reporter, “nakita nako ang butang nga wala pa sukad nako makita.” Ang batan-on, nga nasamdam usab og grabe, miadto sa daplin sa baybayon uban sa daw wala nay kinabuhi nga kaubang marine. Iyang “gipatong ang ulo sa iyang kauban sa iyang tuhod. … Kanindot nga tan-awon—kining duha ka samdan nga batan-on—parehong … limpyo, nindot tan-awon nga batan-ong mga lalaki, bisan diha sa ilang lisud nga sitwasyon. Ug ang batan-on miduko sa iyang ulo ug miingon, ‘Ako momando kanimo, sa pangalan ni Jesukristo ug sa gahum sa priesthood, nga magpabiling buhi hangtud makakuha ko og tabang.’” Ang reporter mitapos sa iyang artikulo: “Kaming tulo, [ang duha ka marine ug ako] ania sa ospital. Ang mga doktor wala masayud [sa unsang paagi nga buhi pa sila], apan ako nasayud.”

Mga Pangutana nga Pamalandungon:

Unsa nga mga panalangin ang moabut sa Santos sa Ulahing mga Adlaw pinaagi sa gahum sa priesthood?
Sa unsang paagi ang hugot nga pagtuo ug priesthood konektado—alang sa mga naghupot sa priesthood ug sa dumadawat sa mga panalangin?

Ikonsiderar sa pagsulat sa inyong mga hunahuna sa inyong journal o hisguti kini ngadto sa uban.