Ang Simbahan Naghangyo sa mga Miyembro nga Sabton ang mga Polisiya sa Family History
Ang mga lider sa Simbahan naghangyo sa mga Santos sa Ulahing mga Adlaw sa pagkat-on ug sabton pag-ayo ang mga polisiya sa family history sa pagsumiter og mga ngalan alang sa mga ordinansa sa templo.
Ang mga kondisyon sa paggamit sa website sa New.FamilySearch.org gipahimutang “aron masabtan sa tanan, sa doktrina, ug sa pagtahud,” miingon si Dennis C. Brimhall, managing director sa Church Family History Department.
Ang mga kondisyon yano ug prangka. “Ang mga tiggamit dili gayud mosumiter og mga ngalan sa inilang mga tawo alang sa mga ordinansa sa templo, lakip sa ngalan sa artista o sikat nga mga tawo, o nakuha gikan sa wala tuguti nga mga extraction project,” nagpahayag nga ang tanang tiggamit kinahanglang mouyon niini matag-log-in.
Ang paghatag og gibug-aton sa pag-usab sa mga sumbanan, nasulat usab sa Church’s Handbook 2, tungod sa bag-ohayng wala masunod nga mga polisiya sa bunyag sa proxy sa Simbahan.
“Usa sa mga butang nga atong hinumduman nga ang pagsiksik sa atong pamilya ug pag-andam sa mga ngalan alang sa mga ordinansa, sa tinuod, usa ka responsibilidad, apan kini usa usab ka pribelihiyo,” miingon si Brother Brimhall. “Kana nga pribelihiyo gihatag ngadto sa mga miyembro pinaagi niadtong naghupot sa mga yawe sa buhat. Ang mga yawe niining buhat gihuptan sa Unang Kapangulohan sa Simbahan.”
Ang mga lider sa simbahan naghangyo sa mga miyembro nga mosumiter og ngalan alang sa proxy nga bunyag sa patay nga:
-
Motrabaho lang sa ilang katigulangan.
-
Dili mosumiter og ngalan sa mga artista.
-
Dili mosumiter og mga ngalan sa wala tuguti nga mga grupo, sama sa mga biktima sa Jewish Holocaust.
Ang mga lider sa simbahan mipadala og pahayag niadtong Pebrero 21, 2012, isip tubag sa pangutana kabahin sa paglapas sa polisiya sa Simbahan, nga na-establisar niadtong 1995 kauban ang mga lider sa Jewish nga tinuohan.
Ang pahayag mibalik sa lig-ong pasalig sa Simbahan nga dili dawaton ang mga ngalan sa wala tuguti nga mga grupo alang sa proxy nga bunyag ug mipahinumdom nga aron makalikay sa nagprotektar niini, ang tigsumiter mogamit og “pagpanglingla ug pagmaniubra.”
Ang ingon nga binuhatan dili lang makasuspenso sa access sa miyembro sa website sa New.FamilySearch.org, apan ang lokal nga mga lider mahimong mohimo og discipinary action sa pipila ka mga kaso.
“Makaguol kaayo nga ang indibidwal, motuyo sa paglapas sa mga polisiya sa Simbahan ug butang nga sabton unta nga halad base sa gugma ug pagtahud nga nahimong tinubdan sa panaglalis,” sulti sa pamahayag.
“Atong makita ang panahon sa pag-edukar,” miingon si Brother Brimhall. “Pahinumduman nato ang atong kaugalingon sa mga katungod ug responsibilidad ug yawe ug pribilehiyo ug kansang buhat kini ug sa unsang paagi kini buhaton ug si kinsa ang nagdumala sa buhat. Kon ato lang kining hinumduman, sa akong hunahuna mamaayo ra kita. … Mas mapanindot pa nato ang sistema alang sa tanan.”
Ang mga lider sa Simbahan naghangyo sa mga miyembro nga nagsumiter og mga ngalan alang sa mga bunyag sa patay nga motrabaho lang sa ilang kaugalingong katigulangan, dili mosumiter og mga ngalan sa artista ug wala tuguti nga mga grupo, sama sa mga biktima sa Jewish Holocaust.