Atong Pahina

Alina A., edad 7, Ukraine

Akong Pamilya, ni Lucas O., edad 5, Brazil

Templo, ni Scherryan P., edad 10, Samoa

Eugene Y., edad 12, taga Malaysia, gustong makigdula og Chinese chess sa iyang lolo. Sa libre niya nga oras gusto sab siyang makigdula og basketball ug badminton sa iyang mga higala. Ganahan siyang makighigala ug maminaw og mga kanta sa Chinese.

Nahibalo Kami nga Siya Buhi ug Nahigugma Kanamo

Magbasa kami sa mga kasulatan ug magtuon sa mga pagtulun-an ni Jesukristo uban sa among mga ginikanan matag buntag. Kon makadungog kami og mga lider sa Simbahan nga mamulong sa komperensya ug mokutlo og mga istorya gikan sa mga kasulatan, mailhan namo ang mga pagtulun-an tungod kay natun-an na namo kini sa among pamilya. Among nasabtan ang importansya sa inadlaw nga pagtuon sa kasulatan. Nahibalo kami nga kami mga anak sa Langitnong Amahan, nga Siya buhi, ug Siya ug si Jesukristo nahigugma kanamo.

Thomas A., edad 8; Aaron A., edad 6; ug Cecilia A., edad 10, Argentina

Gusto ko nga Mohimo og mga Tumong

Naghimo ko og unlan nga dunay litrato ni Jesukristo tungod kay usa kini sa akong mga tumong. Mapasalamaton ko nga ako nabunyagan. Gusto kong magtipig og usa ka notebook diin makasulat ko sa akong mga tumong. Gusto kong mobuhat og mga butang, ug maniid sa akong mama ug kanunay nga mobuhat unsay iyang gibuhat.

Miriam C., edad 8, Mexico