Talofa, o a’u o Erika mai El Salvador

O lo’u igoa o Erika Z., ma Ou te nofo i le nuu o San Salvador i El Salvador, ma ou te fiafia tele e saunia igoa mo sauniga o le malumalu.

Sa fesili mai uso o le Aualofa i le matou paranesi pe mafai ona ou aoao e tuufaatasi igoa e faaaoga ai le polokalama o le FamilySearch. Sa ou manao e fesoasoani. Sa manao foi lo’u tina ia ou fesoasoani atu, o lea sa amata ai ona ma aoaoina le auala e tuufaatasi ai igoa.

O le taimi muamua na ou amata ai, o le aso atoa sa o’u faavasegaina ai ni igoa se iva. Ae o le taimi nei ina ua ou galue malosi ma faataitai pea, ua mafai ona ou faavasegaina ni igoa se 300 i le aso.

E uma loa a’u meaaoga, ou te faaaluina se taimi e faavasega ai igoa. Ia te a’u lava, o le faavasegaina e tutusa lava le faafiafiaina ma le taalo po o le matamata i le televise. Ae ua ou iloa e i ai se faamoemoega sili atu o loo i ai.

Ua ou iloa ua faamanuiaina a’u e le Tama Faalelagi i le avanoa e fesoasoani ai e saunia igoa mo sauniga o le malumalu, mo le silia ma le 2,000 tuaa o tagata Salvador i le lalolagi o agaga.

Ata pue o Erika ma le Aualofa mai faaaloaloga a le aiga o Erika, ata pue o le Malumalu o San Salvador El Salvador na saunia e Matthew Reier © IRI