O LE MOLIMAU A LO’U TUAGANE

Isadora A., Pasila

E faigaluega lo’u tina i afiafi uma mai le 3:00 seia oo i le 11 i le po. E ui lava e le mafai ona i ai o ia i le fale i po o Aso Gafua, ae ma te filifili lava ma lo’u tuagane matua e fai le afiafi faaleaiga---na o i maua lava e toalua. Sa le toe toaga lo’u tuagane i le lotu mo le valu tausaga, ae talu ai nei ua auai o ia i le inisitituti ma filifili e na te faia le savali i se tasi po o le Aso Gafua. Na ia faasoa maia se mafaufauga faaleagaga mai le Tusi a Mamona ou te lei mafaufauina lava, e ui e fa tausaga na ou auai ai i le seminare ma galue i la’u Alualu i Luma o le Tagata Lava Ia. O le agaga sa ou lagonaina sa tutusa lelei ma le mea na ou faamoemoe i ai i le taimi ou te maua ai se tasi e umiaina ma le agavaa le perisitua i lo’u aiga.

Ou te faafetai ua aumai e le Tama Faalelagi le avanoa ia te au e faamalosia ai lo’u aiga i vaiaso uma e ala i afiafi faaleaiga. Ou te fiafia i le talalelei a Iesu Keriso, ma ua ou fiafia ua ou maua lenei aafiaga faatauvaa i le afiafi faaleaiga faatasi ma lo’u tuagane.