Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O nai faataitaiga nei.

“Foi Mai ma le Mamalu,” itulau 50: A uma ona faitau le tala, e mafai e oe ma lou aiga ona sii mai ma maimoa i le vitio “Honesty: You Better Believe It!” i le youth.lds.org (o loo maua i le Igilisi, Potukale, ma le Sipaniolo). E mafai e tagata o le aiga ona faasoa atu mea ua latou aoaoina mai a le o le tala po o le vitio. E mafai foi ona e faitau i le Mo le Malosi o le Autalavou e uiga i le faamaoni ma le amiosao (itulau 19). Mo se gaoioiga, e mafai e tagata o le aiga ona palepalealuga i ni tulaga lea e ono sueina ai lo latou faamaoni. Tusi ia tulaga i luga o fasipepa, tuu i totonu o se pesini, ma tuu atu i tagata uma e sei mai i fafo se pepa. Ia auauai, ona tuu atu i tagata uma e faitau ia tulaga ma ta’u atu le mea e tatau ona fai i lena tulaga ina ia faamaoni ai.

“O Le Fala o Tala,” itulau 66: I le tala lenei, sa fesili atu Keiti ia Tinamatua po o a ni mea sa fiafia e fai faatasi ma lona aiga a o laitiiti o ia. O a ni mea sa fai mai ai Tinamatua sa latou fiafia e fai? Sa aoao atu e Tinamatua ia Keiti se tomai fou, ma sa la fatuina faatasi ai se mea manaia e manatua. Fuafua e faitau le parakalafa lona fitu “O Le Aiga: O Se Folafolaga i le Lalolagi.” O faamatala mai faapefea le auala e faamautu ai faaipoipoga ma aiga manuia? Filifili se vaega se tasi o nei manatu, e pei o le agaalofa, ma talanoa i ai o se aiga. Mo le manatu lenei, e mafai ona e valaaulia le aiga e lisi ni auala e mafai ona latou agaalofa atu ai i tagata o le aiga faapea ma isi. E mafai ona e setiina ni sini mo le vaiaso e faaalia ai le agaalofa faateleina ma talanoa po o le a le lelei o lou ausiaina o au sini i le isi afiafi faaleaiga o le a sosoo ai. Atonu e te faaumaina lau lesona i le usuina o le “E Mafai Ona Faavavau Aiga” (Viiga, nu. 183).

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.