Mulimuli i le Perofeta
Laveai o Ia!
O taumafanafana uma lava e faaalu ai e le aiga o Monson ni masina se lua i le latou fale i Provo River. Sa iloa e Tommy Monson aau i le aave o le tafe o le vaitafe. I se tasi aoauli mafanafana pe a ma le 13 tausaga o Tommy, sa ia uuina atu ai se faagaau pa’u telē ua puta ma faatafea atu ai i le vaitafe.
O le aso lena sa faatasitasi ai ni tagata se toatele i se eria mo tafaoga e lata i le vaitafe e aai ma taaalo. E sauni loa Tommy e faatafea atu i le itu na saoasaoa ai le tafe o le vai, ae ona lagona atu ni feei atuatuvale, “Laveai o ia! Laveai o ia!” Na pa’u se teineitiiti laitiiti i totonu o vili matautia. Sa leai se tagata sa i luga o le pa’umatū e mafai ona aau e laveai o ia.
O le taimi lena sa oo atu ai Tommy ma iloa atu le goto ifo o le ulu o le teineitiiti i lalo o le vai ma le iloa atu. Sa faaloaloa atu e Tommy lona lima, mau i lauulu o le teineitiiti, ma toso ae o ia i luga i le isi itu o le faagaau pa’u. Ona aloalo atu lea o Tommy i augutu o le vaitafe. O le taimi muamua, sa tau fai fusi e le aiga le teineitiiti, sogi atu ia te ia ma fetagisi. Ona amata ai lea ona latou fusi ma sogi atu ia Tommy. Sa ia lagona le matamuli i lenei tosinaga atoa, ma sa vave lava ona ia toe foi atu ai i lana faagaau pa’u.
A o faaauau ona faatafea atu Tommy i le vai sa faatumulia o ia i se lagona mafanafana. Sa ia iloaina sa fesoasoani o ia e laveai se ola. Sa faafofoga le Tama Faalelagi i alaga, “Laveai o ia! Laveai o ia!” Sa Ia faia ia faatafea atu Tommy i le taimi tonu lava sa manaomia ai o ia. O lena aso na iloa ai e Tommy, o le lagona e sili ona matagofie o le iloa lea o loo silafia e le Atua, lo tatou Tama Faalelagi i tatou taitoatasi ma faataga i tatou e fesoasoani ia te Ia e laveai i isi.
Ata na tusia e Jennifer Tolman; ata faaopoopo na saunia e Hollie Hibbert