Mo Tamaiti Laiti
Ua Valaau e Iesu Ona Soo
Mai le Luka 5:1–11.
O Simona ma Anetelea o se auuso e toalua o ni faifaiva. I se tasi po, sa fagogota ai Simona ma Anetelea i le po atoa ae sa leai ma se i’a na maua.
Sa i ai Iesu i luga o le vaa a Simona. Sa Ia ta’u atu i le auuso e toe lafo tasi a laua upega i le sami. Ina ua la tosoina ae a la upega, sa tutumu i i’a!
Sa valaau atu Simona ma Anetelea i a laua uo o Iakopo ma Ioane e fesoasoani e sasaa le la upega i totonu o le la vaa. Sa matuai tele le ʻia o lea sa tutumu ai vaa e lua! Sa fai atu Iesu i alii afai latou te mulimuli atu ia te Ia, o le a latou fagogota mo se mea e sili atu le lelei nai lo i’a. O le a avea i latou ma faifaiva o tagata.
Sa tuu e Simona, Anetelea, Iakopo ma Ioane ia mea uma, e aofia ai a latou vaa. Sa avea i latou ma soo o Iesu. Sa latou mulimuli ia Iesu ma fesoasoani ia te Ia e talai atu le talalelei i tagata uma.
E pei lava o se faifaiva o lē e aumaia i’a i totonu o se upega, e mafai foi ona tatou fesoasoani e aumai tagata i le talalelei e ala i le avea ma ni faataitaiga lelei ma aoao i latou e uiga ia Iesu. E mafai foi ona fai i tatou ma faifaiva o tagata!
Ata na tusia e Apryl Stott