Faamalamalamaina i le Pogisa

Hérica S., Pasila

O le a le galo ia te a’u se lesona o le afiafi faaleaiga sa matou faia a o pe le eletise. O le leai o se eletise sa le mafai ai ona matou faitauina se mea, o lea sa ou faapea ai, o le a mala le afiafi faaleaiga.

“O le a faapefea ona fai le matou afiafi faaleaiga ae e le mafai ona faitau se savali mai le Liahona, pe o le a faapefea foi ona matou usuina pese mai le tusipese e aunoa ma se malamalama?” Sa ou mafaufau ifo ai ia te au lava.

O le mea na laki ai sa sau lo’u uso ma se laveai. Sa i ai sona manatu manaia lava ina ia matou usuina viiga ua matou taulotoina, ona fefaasoaa’i lea i mea na matou aoaoina i le Aso Sa na muamua atu. Sa matou fefaasoaai uma se mataupu faavae ma aoao mai le tasi ma le isi. I lo’u manatu, o le aoao faatasi o le faamoemoega lena o afiafi faaleaiga. Ou te mautinoa sa matuai fiafia le Alii ona sa matou tausia le poloaiga e fai afiafi faaleaiga, e tusa lava pe sa le ola se molī.

Ou te iloa e le finagalo le Alii ina ia tatou foi atu toatasi i Lona afioaga. E finagalo o Ia ia tatou foi atu o ni aiga, ma e finagalo foi o Ia ia tatou faia mea uma e mafai ina ia tupu ai lenei mea, e aofia ai le faia o afiafi faaleaiga i vaiaso taitasi.