Tamaautu Faaleagaga

Victor W., ISA

O tamaautu maoae o le tausaga lenei sa asiasi mai i le matou fale i po o Aso Gafua! O tamaautu taitasi e foliga i se tagata o le aiga, sa i ai se malosiaga faapitoa, ma aoaoina se lesona taua faamalosi molimau lea sa uunaia ai i matou e faaleleia a matou fegalegaleaiga ma le tasi ma le isi.

Mo se faataitaiga, o se tasi o vaiaso sa aoaoina ai i matou e Tagata Faasalalau i auala e puipui ai o matou mata mai tifaga, ata o le televise, ma mekasini le talafeagai. O le isi vaiaso sa faamalamalama mai ai e Tamaitai Aumalosi ia auala e mafai ona matou atiaeina ai le malosi faaletagataautu e ala i le faamalositino e le aunoa. O le Lagomeli Filemu, o se tamaautu na sitaili e faapei o se bumblebee, sa aoaoina i matou i le auala e tuu ai le masau solo ae ia faaaloalo i le lotu ma i le aiga. Sa faamatala mai e le Teine o Upu (Word Girl) le taimi ma le auala e mafai ona matou tuuina atu ai ni faamālō se tele i le tasi ma le isi. Sa faapea foi ona auai mai i a matou lesona o le afiafi faaleaiga le Teine Faafetai (Thankful Girl), Tama o Fai e Oe Lava Ia, Polofesa o Tusitusiga Paia, Tamaitai o Aua le Tautala Fua, Alii Faifeautalai, ma isi lava tamaautu.

Ou te faafetai ona sa mafaufau loloto ma toto’a tagata o le matou aiga po o a ni faafitauli i le aiga sa latou mananao e faailoa atu o se tagata autu. Matou te tulimata’i uma atu i afiafi faaleaiga, ma sa matou maua se taimi fiafia i taimi e asiasi mai ai tagata autu. Ou te faafetai ona o taimi uma matou te mafaufau loloto ai i se faafitauli o le matou aiga, e musuia e le Tama Faalelagi i matou i se manatu e aoao lelei atu ai e le tasi le isi. O tamaautu nei e manatua o le a matou faatauaina e faavavau.