Pagdala sa Primary ngadto sa Panimalay

Serbisyohan Nako ang Dios sa Tibuok Nakong Kasingkasing, Gahum, Hunahuna ug Kusog

Usa ka adlaw sa recess, si Madison nakakita og usa ka batang babaye nga naghilak tungod kay dunay misulti niya og dili maayo. Nalooy si Madison sa batang babaye ug iyang giduol aron am-aman. “Gusto ka bang makigdula kanako?” nangutana siya sa batang babaye.

Nianang adlawa, si Madison nagserbisyo sa kinasingkasing. Misunod siya sa ehemplo ni Jesukristo ug nagpakita og gugma ngadto sa tawo nga nanginahanglan. Makapakita kita sa atong gugma sa Langitnong Amahan pinaagi sa pagserbisyo uban sa atong kasingkasing, sa atong gahum, sa atong hunahuna ug sa atong kusog. Makaserbisyo kita sa atong tibuok kaugalingon!

Sa unsang paagi kita makaserbisyo uban sa atong kasingkasing? Makaserbisyo kita sa atong mga kasingkasing pinaagi sa pagpakita og gugma ug pagkamabination sa uban. Maghunahuna kita sa gikinahanglan sa uban. Kon moserbisyo kita nga malipayon, nagserbisyo kita uban sa atong kasingkasing.

Sa unsang paagi makaserbisyo kita uban sa atong hunahuna? Makaserbisyo kita uban sa atong hunahuna pinaagi sa paghunahuna og mga paagi sa pagtabang sa uban.Kon makakita kita sa mga panginahanglan niadtong anaa sa atong palibut ug maghunahuna unsay atong matabang, nagserbisyo kita uban sa atong mga hunahuna.

Sa unsang paagi kita makaserbisyo uban sa atong gahum ug kusog? Ang pagserbisyo uban sa atong gahum ug kusog mao ang pagbuhat sa buluhaton sa balay ug pagtrabaho sa pagtabang sa uban. Kasagaran makapanalangin ug makaserbisyo kita sa tigulang nga mga tawo pinaagi sa pagbuhat sa mga butang nga lisud nilang buhaton.

Magsulti Ta

Isip usa ka pamilya, paghunahuna og mga butang nga mabuhat ninyong tanan samtang kamo moserbisyo sa inyong tibuok kaugalingon. Ipasabut nga kon nagserbisyo kita sa uban, nagserbisyo kita sa Langitnong Amahan.

Kanta ug Kasulatan

• “Called to Serve,” Children’s Songbook, 174

• Doktrina ug mga Pakigsaad 59:5.

Pagserbisyo uban sa Inyong Tibuok Kaugalingon

Pagpili og paagi nga kamo makaserbisyo gikan sa kada usa ka bahin sa ubos o paghunahuna sa inyong kaugalingong mga ideya. Pagkahuman ninyo sa usa ka buhat sa pagserbisyo, kolori ang porma tupad sa hulagway.

Kasingkasing

Sultihi ang inyong mga ginikanan o mga igsoon nga gihigugma ninyo sila.

Paghimo og usa ka butang nga mabination alang sa usa ka tawo kinsa nag-inusara. Pahiyum sa usa ka tawo.

Hunahuna

Pagsulat ngadto sa apohan.

Tabangi ang igsoon sa iyang homework.

Tabang sa pagplano og proyekto sa pagserbisyo sa pamilya.

Gahum ug Kusog

Kon ang inyong mga ginikanan mosugo ninyo, trabahoa kini.

Tabang sa igsoon sa buluhaton sa balay.

Kahiga ang mga dahon, pangibot og mga sagbut, o bisan unsa sa pagtabang sa inyong pamilya.

Sa Wala: paghulagway pinaagi ni Greg Newbold; Sa Tuo: mga paghulagway pinaagi ni Val Chadwick Bagley