Para sa Gagmayng mga Bata
Gipahunong ni Jesus ang Unos
Usa ka adlaw niana sa dihang si Jesus ug ang Iyang mga tinun-an naglawig sa usa ka sakayan, dihay kusog nga unos.
Ang mga balod mihapak sa sakayan. Mihuros ang hangin.Ang mga disipulo nangahadlok nga malunod ang sakayan.
Nangita ang mga disipulo ni Jesus. Ilang nakaplagan Siya nga natulog. “Ginoo tabang!” misinggit sila.
“Nganong nalisang man kamo?” nangutana si Jesus.
Mibarug si Jesus ug gisugo ang unos sa paghunong. Nagtan-aw ang mga disipulo samtang ang mga balud mihunong sa paghapak ug ang hangin mihunong sa paghuros. Mihunong ang unos, sama sa gisugo ni Jesus.
Usahay kon ang makahahadlok nga mga butang mahitabo, kita mahadlok.Apan si Jesus anaa sa duol. Ang paghunahuna Kaniya makatabang nato nga mobati nga luwas ug kakalma.
Mga paghulagway pinaagi ni Scott Peck