Usa ka Bilyon nga mga Rekord Anaa na Karon sa FamilySearch
Mga boluntaryo sa tibuok kalibutan nag-index (digitizing) sa daghang koleksyon sa mga rekord sa genealogy sa Simbahan miabut sa dako kaayong kalampusan niadtong Abril 19, 2013. Nianang petsaha naabut nila ang usa ka bilyon nga mga searchable record nga nadugang sa FamilySearch website sa Simbahan nga wala abti og pito ka tuig.
Ang mga bolunter nag-extract o nag-index sa mga rekord sukad pa niadtong 1978, apan sa pagka-Septyembre 2006 ang Family History Department mipasiugda og dako nga kausaban nga nag-imbitar sa tanan bisan asa sa pag-log on sa site ug pag-sign up aron moapil sa proyekto sa pag-index.
“Ang mga dokumento gikuha gikan sa koleksyon sa 2.4 milyon ka mga rolyo sa microfilm nga dunay mga photographic image sa makasaysayong mga dokumento gikan sa 110 ka nasud ug mga lugar,” nagpasabut sa wiki entry sa FamilySearch site. “Ang mga dokumento naglakip sa mga rekord sa census , mga sertipiko sa pagkatawo ug pagkamatay, mga lisensya sa kaminyoon, mga rekord sa militar ug kabtangan, ug ubang importante nga mga rekord nga gitipigan sa lokal, nasudnon, ug nasyonal nga mga gobyerno.”