Notebook sa Abril 2013 nga Komperensya

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Abril 2013, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya, bisitaha ang conference.lds.org

Propetikanhong mga Pulong sa Tawhanong Kahuyang

“Niini nga Simbahan, ang atong nahibaloan mas molabaw kanunay sa wala nato mahibaloi. Ug hinumdumi, niini nga kalibutan, ang tanan kinahanglang magalakaw pinaagi sa pagtuo.

“Mao nga pagmapailubon sa tawhanong kahuyang—ang inyong kaugalingon ingon man usab kadtong nagserbisyo uban ninyo niini nga Simbahan gipangulohan sa mga boluntaryo, mortal nga mga lalaki ug babaye. Gawas lang sa Iyang bugtong hingpit nga Anak, ang dili hingpit nga mga tawo mao ang tanan gikatambayayong sa Dios. Tingali makasagmuyo kaayo kini Kaniya, apan Iya kining gisagubang. Mao usab kita. … Mao nga pagmapailubon ug pagmabination ug pagmapasayloon.”

Elder Jeffrey R. Holland sa Korum sa Napulog Duha ka mga Apostoles, “Nagtuo Ako,” Liahona, Mayo 2013, 94.

Ang Kabalaan sa Kaminyoon

“Sa mga sugo sa pagdaghan ug pagpuno sa yuta nagpadayon karon. Sa ingon, ang kaminyoon tali sa usa ka lalaki ug babaye mao ang gitugutang paagi diin ang mga espiritu didto sa kalibutan sa wala pa dinhi sa yuta makaanhi sa kalibutan. Ang kaputli sa wala pa ang kaminyoon ug hingpit pagkamaunungon diha sa kaminyoon makaprotekta niining sagrado nga paagi.”

Elder David A. Bednar sa Korum sa Napulog Duha ka mga Apostoles, “Kita Nagtuo sa Pagkaputli,” Liahona, Mayo 2013, 42.

Mga Tubag alang Kaninyo

Matag komperensya, ang mga propeta ug apostoles mohatag og dinasig nga mga tubag sa pangutana sa mga miyembro sa Simbahan. Gamita ang inyong isyu sa komperensya o bisitaha ang conference.lds.org sa pagpangita og mga tubag niini nga mga pangutana:

• Unsaon nako nga magpabilin nga lig-on kon ako gibiay-biay sa akong pagtuo? Tan-awa sa Robert D. Hales, “Lig-ong Mobarug sa Balaang mga Dapit,” 48.

• Unsay akong mabuhat kon ang tawo nga gihigugma ko naghimo og dili maayo nga mga pagpili? Tan-awa sa Henry B. Eyring, “Umari Kanako,” 22; ug Richard G. Scott, “Alang sa Kalinaw sa Panimalay,” 29.

• Ngano nga ang kaminyoon tali sa lalaki ug babaye importante kaayo? Tan-awa sa David A. Bednar, “Kita Nagtuo sa Pagkaputli,” 41; L. Whitney Clayton, “Kaminyoon: Tan-awa ug Pagkat-on,” 83; ug L. Tom Perry, “Kalingkawasan ang Pagsunod sa Balaod,” 86.

• Unsa ang katuyoan sa priesthood? Tan-awa sa M. Russell Ballard, “Kini Ang Akong Buhat ug Himaya,” 18.

• Nganong nagkinahanglan kita og simbahan? Tan-awa sa Quentin L. Cook, “Personal nga Kalinaw: Ang Ganti sa Pagkamatarung,” 32; ug D. Todd Christofferson, “Katubsanan,” 109.

• Mga Istorya gikan sa Komperensya