Kanus-a ako magsugod sa pagbayad sa mga halad sa puasa ug paghatag sa ubang mga donasyon?

Kon kamo dunay kinitaan ug andam nga kasingkasing, makasugod kamo sa paghatag sa halad sa puasa sa bisan unsang edad. Siyempre, kon kamo mokita na og kwarta, ang Ginoo nagmando nga kamo mobayad sa ikapulo sa inyong kinitaan. Dugang pa, “ang usa ka tukma nga adlaw sa pagpuasa maglakip sa … paghatag sa ubay-ubay nga halad sa puasa aron sa pagtabang niadtong nanginahanglan” (Alang sa Kalig-on sa Kabatan-onan [booklet, 2001], 39). Tungod lang kay ang inyong ginikanan maoy nagbayad sa pagkaon sa pamilya wala kana magpasabut nga dili kamo makahatag og kontribusyon sa inyong kaugalingon kon kamo mibati niini kon ang inyong pamilya magpuasa kada bulan. Hinumdumi, bisan og kamo batan-on, bisan pila pay kantidad sa kontribusyon, ang importante mao nga kamo nagsunod sa mga sugo sa Ginoo ug walay paghunahuna sa kaugalingon nga nagtabang sa pagpanalangin sa uban. Kamo ug ang uban mapanalanginan pinaagi sa inyong mga sakripisyo. Ug kon kamo madasig ug makahimo sa pagbuhat sa ingon, mahimo usab ninyong konsultahon ang inyong mga ginikanan ug sa paghatag og mga donasyon ngadto sa uban pang mga pundo sa Simbahan nga gilista diha sa Tithing and Other Offerings slip.