Bag-ong mga Hilisgutan sa Visiting Teaching Magsugod sa Oktubre

Sugod sa Oktubre 2013 ang mga Mensahe sa Visiting Teaching sa Relief Society mag-focus sa balaang misyon ni Jesukristo ug sa Iyang daghang mga tahas ug mga hiyas.

Sa atong mabasa sa Anak nga mga Babaye sa akong Gingharian: Ang Kasaysayan ug Buhat sa Relief Society, “Dihang si Jesukristo dinhi pa sa yuta, Iyang gipakita kanato ang paagi unsaon nato sa pagpakabuhi.”¹ Pinaagi sa pagtuon ug pag-focus sa mga tahas ug mga hiyas sa Manluluwas, ang mga sister sa Simbahan makat-on nga mahisama Kaniya² ug makahisgot sa mga sister nga ilang giserbisyuhan kon sa unsa nga paagi nga ang mga pagtulun-an ug ehemplo sa Manluluwas makaimpluwensya sa ilang mga kinabuhi.

Ang Ginoo mipakita nato unsaon sa pagpangalagad—unsaon sa pagbantay, paglig-on, ug pagtudlo sa usag usa. Ang Iya mao ang pagpangalagad sa mga indibidwal, sa tinagsa-tagsa.³ Ang visiting teaching mao ang atong oportunidad sa pagsunod sa Iyang ehemplo.

Si Presidente HenryB. Eyring, Unang Magtatambag sa Unang Kapangulohan, mipamatuod nga “ang visiting teaching usa ka bahin sa plano sa Ginoo pagtabang sa mga tawo sa tibuok kalibutan. … ‘Siya mipahimutang og tarung nga sumbanan.’”⁴ Isip mga visiting teacher, nakahinumdom usab kita sa tambag ni Presidente Thomas S. Monson: “Kita ang mga kamot sa Ginoo dinhi sa yuta, uban sa mando nga moserbisyo ug motabang sa Iyang mga anak. Nagdepende Siya sa matag usa kanato.”⁵