Umaabut na ang Komperensya

Sa makausa umaabut na ang kinatibuk-ang komperensya, ang panahon nga ang mga lider sa Simbahan mopaambit sa mga miyembro sa pulong sa Ginoo. Sumala sa giingon sa Ginoo, “Bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38). Aniay kasinatian gikan sa Abril 2013 nga kinatibuk-ang komperensya:

Komperensya sa Dagat sa Galilea

Mga 60 ka mga estudyante sa Brigham Young University Jerusalem Center for Near Eastern Studies nagpundok sa baybayon sa Dagat sa Galilea sa miaging Abril aron motan-aw sa sesyon sa Dominggo sa buntag sa kinatibuk-ang komperensya. Usa ka live nga sibya sa miting ginamit ang Internet gi-project sa kilid sa usa ka landong nga dapit nga duol ra sa tubig. Ang mga estudyante miadto sa Galilea isip kabahin sa 10 ka adlaw nga biyahe sa rehiyon. Ilang giila ug gipasalamatan ang kaimportante sa kalihokan.

Si Jennie Smithson, usa sa mga estudyante, miingon nga kini talagsaon “nga matudloan sa mga propeta ug mga apostoles sa ulahing adlaw samtang naghinumdom sa karaang mga apostoles nga gitudloan ni Jesukristo dinhi niining maong baybayon.”

Talan-awon gikan sa BYU Jerusalem Center.

© IRI