Ang Templo sa Nauvoo ug Bilanggoan sa Carthage

Ni Jennifer Maddy

Uban namo sa pagsuhid niining importanting mga dapit sa kasaysayan sa Simbahan!

Niadtong 1841 ang kadaghanan sa mga Santos sa Nauvoo pobre. Apan nasayud sila nga kinahanglan silang magtukod og templo, sumala sa gisugo sa Ginoo kanila. Kapin sa 1,000 ka mga lalaki nagtrabaho sa pagtukod sa templo. Ang mga babaye nagtahi og mga sinina ug nagluto alang sa mga trabahante. Daghang mga tawo nagsakripisyo sa pagtukod sa templo. Nagpaabut sila sa mga panalangin nga ilang madawat didto.

Bilanggoan sa Carthage

Ang trabaho sa templo nahunong niadtong Hunyo 1844, sa dihang si Propeta Joseph Smith gipatay.Si Joseph ug ubang mga lalaki gibilango sa Bilanggoan sa Carthage. Niadtong Hunyo 27 ang manggugubot nga panon miataki sa bilanggoan. Gipusil nila ug gipatay si Joseph ug ang iyang igsoon nga si Hyrum.

Paghuman sa Templo

Nagsubo ang mga Santos nga nawala na ang ilang Propeta. Si Brigham Young, kinsa mao ang Presidente sa Korum sa Napulog Duha ka mga Apostoles, nasayud nga magpadayon ang buhat sa Ginoo. Gihuman sa mga Santos ang templo. Ang mga lider sa Simbahan nagtrabaho sa templo adlaw ug gabii aron ang mga Santos mabunyagan alang sa ilang mga katigulangan ug mabugkos isip mahangturong mga pamilya.

Pagtukod og usab sa Templo

Pagbiya sa mga Santos sa Nauvoo, ang templo naguba gumikan sa sunog ug sa tornado. Niadtong 1999, si Presidente Gordon B. Hinckley (1910–2008) mipahibalo nga ang Templo sa Nauvoo tukuron pag-usab sa sama nga dapit. Karon inyong makita kining matahum nga templo sama niadtong mga 1840.

Katunga nga bulan ang gikulit sa gawas sa bong-bong sa templo.

Ang orihinal nga Templo sa Nauvoo adunay 30 ka sunstones.

Estatuwa ni Joseph ug Hyrum nagbarug atubangan sa Bilanggoan sa Carthage. “Sa kinabuhi sila wala mabahin, ug sa kamatayon sila wala mabulag!” (D&P 135:3).

Misaka ang manggugubot nga panon niini nga hagdanan sa Bilanggoan sa Carthage aron sa pagpatay ni Joseph ug sa iyang mga kauban.

Si Joseph ug ang uban didto sa kwarto sa itaas sa bilanggoan.