Unsa ang kinahanglanon sa pisikal nga kalig-on sa pagserbisyo og misyon?

Ang seryoso nga pisikal nga mga hagit o medikal nga mga limitasyon makapugong sa pipila ka mga tawo sa pagbuhat sa buluhaton sa misyonaryo sa epektibong paagi ug makaapekto sa pagserbisyo sa ilang mga kompanyon. Ang maong mga tawo kasagaran dili moserbisyo og mga misyon. Sama pananglit, kadtong nagkinahanglan og wheelchair o crutches o dili makahimo sa inadlaw nga buluhaton kon walay tabang sa uban dili marekomendar sa misyonaryo nga pagserbisyo. Ug ang pagkasobra sa timbang makaingon sa grabe nga kalisud sa inadlaw nga buluhaton sa misyon, mao nga ang mga lider sa priesthood mohangyo sa pipila ka mga tawo nga magpaminos sa timbang sa dili pa sila morekomendar nila alang sa pagserbisyo. Kabahin sa kinatibuk-ang kalig-on, usa ka giya nga kinahanglan kang makalakaw og unom ka milya (9 km) sa usa ka adlaw nga dili maglisud.

Kon kamo adunay bisan unsang mga pangutana kabahin niining mga butanga, ang inyong bishop o presidente sa branch makatubag ug makagiya ninyo.