Ngano man ang batan-ong mga lalaki magsugod sa home teaching kon sila mag-edad na og 14 apan ang batan-ong mga babaye magsugod sa visiting teaching kon sila mag-edad og 18?

Sa usa ka pagpadayag nga gihatag sa panahon nga naorganisar ang Simbahan niadtong 1830, ang Ginoo mipahayag, “Ang katungdanan sa magtutudlo mao ang pagbantay diha sa simbahan sa kanunay, ug magpaduol ug maglig-on kanila” (D&P 20:53). Gawas sa magtutudlo sa Aaronic Priesthood, kini nga katungdanan himoon usab sa pari ug niadtong naghupot sa Melchizedek nga Pagkapari (tan-awa sa D&P 20:45–52). Ang home teaching maoy usa ka paagi nga sila makatuman niini nga katungdanan pinaagi sa pagdawat og mga buluhaton gikan sa mga lider sa priesthood. Ang visiting teaching, bisan tuod susama, adunay lahi og gamay nga katuyoan, naghatag og oportunidad sa mga sister sa Relief Society sa pagpalig-on ug pagtudlo sa usag usa pinaagi sa mga buluhaton gikan sa kapangulohan sa Relief Society (sigun sa giaprobahan sa bishop o presidente sa branch). Ang batan-ong mga babaye (ilabi na ang kapangulohan sa klase) kinahanglang magtinguha sa paglig-on ug pagsuporta sa usag usa sa nagkalain-laing mga paagi, apan dili sila itudlo sa paghimo og binulan nga pagbisita sa piho nga mga tawo.