Panimalay: Ang Sentro sa Pagkat-on

Kon ang pagkat-on sa simbahan nagsuporta sa pagkat-on sa panimalay, kamo motukod og usa ka lig-on nga pundasyon sa pagsunod sa ebanghelyo.

“Palihug siguroha sa pagbasa ang gi-assign nga basahunon alang sa mga leksyon sa sunod semana.” Pamilyar ba kadtong mga pulonga? Sa kasagaran gikan kini sa usa ka nanghangyo ng magtutudlo inig human sa usa ka klase sa Simbahan.

Ug samtang importante gayud nga maandam sa inyong mga leksyon sa Dominggo, usahay mobati ba kamo nga ang inyong labing importante nga tumong sa pagtuon ug pagpamalandong aron nga kamo hingpit nga andam alang sa Dominggo?

Sa tinuoray, ang nahauna unta.

Ang tanang “pagtudlo, mga programa, ug mga kalihokan sa Simbahan [na] sentro sa panimalay ug gisuportahan sa Simbahan.”¹ Nagpasabut kana sa atong mga miting sa Simbahan nga gitumong gayud sa pagsuporta sa indibidwal ug pamilya nga pagkat-on. Sama sa gitudlo sa Presiding Bishop Gary E. Stevenson, “Ang unang dapit sa pagtudlo ug pagkat-on mao ang panimalay.”² Kon ang pagkat-on ug pagtudlo nakasentro diha sa panimalay, kini makahatag og gahum nga mosangpot ngadto sa pagkakabig.

Mao kana ang mensahe sa 2014 annual auxiliary training, Learning and Teaching in the Home and the Church [Pagkat-on ug Pagtudlo sa Panimalay ug sa Simbahan], anaa sa internet sa annualtraining.lds.org. “Walay usa nato ang nagkunhod sa pagtudlo diha nga chapel, diha sa meetinghouse,” miingon si Elder Jeffrey R. Holland sa Korum sa Napulog Duha ka mga Apostoles. “Kitang tanan nakahimo niana sa tibuok natong kinabuhi, apan gusto nato nga himoon kining pagtudlo nga 24/7 sa atong pagpuyo.”³ Sa inyong paglakip nianang 24/7 nga pagkat-on sa matag adlaw nga mga kalihokan sa kinabuhi sa inyong pamilya, kamo makaestablisar og lig-on nga pundasyon alang sa usa ka “balay sa pagkat-on” (D&P 88: 119) nga mohatag kaninyo ug sa inyong pamilya sa espiritwal nga kapuy-an ug proteksyon.

Pagkat-on diha sa Panimalay

Mahimong dili kamo makakita dayon og mga resulta, apan kon kamo mopahimulos sa yanong mga higayon sa pagkat-on ug pagtudlo sa inyong inadlaw nga buluhaton, kini adunay gamhanan nga epekto. Ania kon sa unsa nga paagi ang daghang mga pamilya nakamatikod niana nga impluwensya sa ilang mga kinabuhi.

Yanong mga Higayon

A father and son carrying skateboards as they walk down a wet road.

“Adunay mga panahon nga kita mobati nga kiwaw nga maghisgot mahitungod sa hilisgutan sa ebanghelyo. Mga higayon nga dili pormal nga pagtudlo sa tinuoray mipanalangin nato sa pagtudlo og importanting mga leksyon ngadto sa atong mga anak. Usab, adunay mas daghang dili pormal nga mga higayon sa pagtudlo sa usa ka adlaw kay sa pormal nga mga higayon sa pagtudlo, mao nga kita gayud mogamit niini nga mga oportunidad sa pagtudlo sa atong mga anak sa importanting mga baruganan. Sama pananglit, motudlo ko mahitungod sa pagkamatinuoron samtang nag-grocery. Ang akong mga anak makakat-on sa mas sayon nga mga baruganan kon ilang makita unsaon sa paggamit niini.”

Mona Villanueva, Philippines

Pakigbinayloay ug Pagkig-istoryahanay

A mother and her young daughters sitting together on a sofa. They are looking at a magazine.

“Akong ihatud ang akong anak nga babaye sa eskwelahan sakay sa bus kada buntag, mao nga kami adunay daghang mga oportunidad nga magkaistorya. Karong bag-o lang, kami nakabantay og usa ka bana ug asawa nga nagkalalis. Milingi dayon ang akong mga anak nako ug naghulat nako nga mokomentaryo. Hinoon ako nangutana nila unsay ilang gibati sa unsay nahitabo. Miingon sila nako nga sila nagtuo nga ang usa ka lalaki kinahanglang dili gayud makig-istorya sa iyang asawa nianang paagiha. Human niana, kami nag-istoryahanay kabahin sa kaminyoon ug mga relasyon. Ang among 30 ka minutos nga biyahe sa bus nahimong hilabihan ka makapabayaw ug makapadasig.”

Mario Lorenz, Guatemala

Panagsuod Panahon sa Meryenda

“Dili pormal nga pagtudlo nga mga higayon nakatabang nako nga makaangkon og mas maayo nga relasyon sa akong mga anak. Sa dihang kami naglingkod sa lamesa sa kusina nga nagmeryenda human sa eskwela, kami naghisgot unsa ang nahitabo sa ilang adlaw sa eskwelahan. Kasagaran usa kanila moingon nga usa ka higala moingon o kon sa unsay iyang gibati kon dunay mosulti o mobuhat og usa ka butang. Dayon ako mopakigbahin og personal nga pagpamatuod ug mohisgot kon unsay gibati sa akong anak kabahin sa sitwasyon. Sa akong hunahuna pinaagi sa dayag nga panagsultihanay kon ang mga bata relaks ra, sila andam nga mohisgot sa importanting mga butang kon ang panginahanglan moabut tungod kay sila dunay pagsalig, nasayud nga ang ilang mga ginikanan maminaw.”

Alyson Frost, Greece

Usa Ka Sirkulo sa Pag-amuma

Young family in New Zealand. The parents are holding their two boys.

“Ang akong asawa ug ako nakaamgo nga kami ang dunay unang responsibilidad sa pagtudlo sa among mga anak ug dili responsibilidad sa mga lider, apan kami mapasalamaton sa unsay ilang gibuhat ug kami motabang kutob sa among mahimo. Ang among ward dunay maayong mga lider kinsa nagtutok gayud sa mga kabatan-onan ug mga bata ug naningkamot pag-ayo sa pagtabang nila nga makakita sa ilang hingpit nga potensyal nga pinasikad sa unsay gibuhat sa mga ginikanan. Nakigkita ako sa bishop sa pipila ka mga okasyon, ug ako dunay maayo nga komunikasyon uban sa mga lider sa kabatan-onan ug sagad mangutana mahitungod sa akong mga anak ug sa ilang kauswagan. Ang kamatuoran nga kami kanunay nga maghisgot mahitungod sa kauswagan sa among mga anak nakatabang namo nga makasabut kon unsaon sa pagtabang sa matag usa kanila.”

Jesse N. Arumugam, South Africa

Kalig-on diha sa mga Kasulatan

“Ang pagtuon sa kasulatan nakatabang nako nga makat-on ni Kristo ug sa Iyang kinaiya aron nga ako mahimong sama Kaniya. Kini usab naghatag nako og mas dakong kabuhong sa Espiritu, nga naggiya nako ug nagtudlo nako unsaon paggamit niadtong mga butanga nga akong nakat-unan aron ako makaandam sa pag-atubang sa mga hagit sa kinabuhi ug sa mga tintasyon ni Satanas nga moabut nako. Kon wala kini nga panalangin sa akong kinabuhi ako nasayud nga ako mapakyas sa pagkab-ot sa akong potensyal isip anak sa Dios.”

Nathan Woodward, England

Pagkat-on diha sa Simbahan: 10 ka mga Baruganan nga Kinahanglan nga Mahibaloan sa Matag Magtutudlo

Agig dugang sa pagpalig-on sa gahum sa pagkat-on ug pagtudlo diha sa panimalay, kita usab makapalig-on sa mga kasinatian sa klasrom diha sa simbahan. Kon ang mga magtutudlo mogamit niining 10 ka mga baruganan, sila makapalig-on sa pagkakabig sa mga kinabuhi niadtong ilang gitudloan.

Pakigtambag sa mga ginikanan, kinsa dunay unang tahas isip mga magtutudlo, sa pag-ila sa mga panginahanglan sa mga sakop sa klase, ug dayon motudlo niadto nga mga panginahanglan.
Pag-andam ug Pagtudlo pinaagi sa Espiritu. Pangita og mga pangutana ug mga kalihokan sa pagkat-on nga makapaaghat og panaghisgutan nga giniyahan sa Espiritu ug pag-amuma sa mga sakop sa klase sa espirituhanong paagi.
Pagtudlo sa mga tawo, dili ang mga leksyon.
Pagtutok sa importante nga mga doktrina sa ebanghelyo.
Pagtudlo og usa o duha ka importante nga mga baruganan pag-ayo kay sa maningkamot nga mahuman ang tanang mga materyal sa leksyon.
Pagdapit sa Espiritu pinaagi sa pagtugot sa matag usa nga moapil (tan-awa sa D&P 88:122).
Paglakip og gamhanan nga pagdapit sa pagbuhat—dili lamang usa ka butang nga mouli ug mobasa apan mopauli ug mosunod.
Pakigbahin sa imong pagpamatuod kabahin sa doktrina—sa katapusan sa klase ug kon ang Espiritu moaghat kanimo.
Pagsunod sa ebanghelyo, ug “ipahimutang sa kahusay” ang imong kaugalingong panimalay (tan-awa sa D&P 93:43–44, 50).
Pangita og mga paagi nga ang mga pagtulun-an magpadayon pinaagi sa dili pormal nga mga higayon sa matag adlaw nga pagpakabuhi.