Pagpangandam sa Dili pa Mo Mag-ampo

Si Presidente Eyring nagpahinumdom kanato nga ang pag-ampo “duha ka paagi nga komunikasyon tali sa Dios ug sa Iyang mga anak.” Ang paggahin og panahon sa pagpangandam sa atong mga pag-ampo makahimong posible nianang duha ka paagi nga komunikasyon. Mahimo ninyong gamiton inyong journal aron paggahin og pipila ka minuto sa pag-andam sa pag-ampo matag adlaw. Makahimo mo og lista sa mga panalangin nga gusto ninyong pasalamatan sa Langitnong Amahan, sa mga tawo kinsa nanginahanglan sa inyong mga pag-ampo, ug mga pangutana nga nagkinahanglan mo og tubag. Dayon dapita ang Espiritu pinaagi sa pagkanta og himno o pagbasa og pipila ka mga bersikulo sa kasulatan. Samtang kamo mag-ampo, hatagi og pagtagad kon sa unsang paagi ang Espiritu Santo naggiya kaninyo sa unsay inyong isulti, ug hatagi og pagtagad ang inyong mga pagbati ug mga hunahuna (tan-awa sa D&P 8:2–3). Ikonsiderar sa pagrekord ang inyong mga kasinatian diha sa inyong journal ug pagribyu sa mga tubag nga inyong nadawat. Magamit usab ninyo ang mga kalihokan diha sa mga pahina 112–14 sa Isangyaw ang Akong Ebanghelyo: Usa ka Giya sa Misyonaryo nga Pangalagad aron sa pagtabang ninyo sa pagtimbang-timbang sa inyong mga pag-ampo ug pagkat-on sa pag-ila sa Espiritu Santo.