Ako Nasayud Nga Si Jesus Nahigugma Nako

Ni Jane McBride Choate

Gibase sa usa ka tinuod nga istorya

Ang tagsulat nagpuyo sa Colorado, USA.

Si Laney naningkamot pag-ayo nga magbaton og balaan nga pagtahud sa Simbahan. Apan siya gikapoy, ug ganahan siyang lihok-lihukon ang iyang mga tiil.

Pagkahuman sa sakrament, giablihan ni Laney ang iyang libro mahitungod ni Jesus. Iyang nakita ang litrato ni Jesus uban sa gagmay nga mga bata. Nakahimo kini niya nga mobati og kalinaw ug kalipay.

Sa pagkahuman sa miting sa sakrament, si Laney nangutana ni Mama, “Nganong mas sayon man nga magbaton og balaan nga pagtahud kon ako motan-aw sa akong libro mahitungod ni Jesus?”

“Sa akong pagtuo tungod kay mopahinumdom kini nimo kon unsa ka kamahal ni Jesus,” miingon si Mama.

Mitando si Laney. “Sa imong pagtuo si Jesus nakahibalo ba nga ako nagmahal usab Kaniya?” siya nangutana.

Gigakos ni Mama si Laney. “Oo, nakasiguro ko nga Siya nakahibalo.”