Panahon sa Kasulatan

Si Jesus Nag-ayo og Sanlahon

Ni Erin Sanderson

Ang tagsulat nagpuyo sa Utah, USA.

Magkat-on mahitungod sa Bag-ong Tugon niining tuiga!

Hunahunaa ang panahon sa dihang kamo nasakit. Aduna bay tawo nga nagmabination kaninyo aron kamo mobati og arang-arang?

Sa Bag-ong Tugon atong mabasa kabahin ni Jesus nga nagpakita og pagkamabination sa mga tawo nga nasakit. Usa ka adlaw usa ka tawo nga adunay sakit sa panit nga gitawag og sangla miduol kang Jesus. Siya nasayud nga si Jesus adunay gahum nga makaayo sa tanan kinsa nasakit. Siya nagtuo nga si Jesus makaayo niya. Si Jesus mihikap sa sanlahon ug miingon, “Mamahinlo ka” (Marcos 1:41). Pagkahuman gyud og sulti ni Jesus, ang tawo naayo.

Kita makasunod sa mga tunob ni Jesus pinaagi sa pagkamabination ug paghigugma sa uban kinsa nasakit o nagguol.

Pagkat-on pa og Dugang: Mga Ebanghelyo

Ang Bag-ong Tugon adunay upat ka espesyal nga mga libro nga gitawag og Mga Ebanghelyo, nga gisulat sa pipila ka mga disipulo ni Jesus. Ang mga Ebanghelyo naghisgot dihang si Jesukristo nabuhi pa sa yuta. Ang istorya kabahin sa pag-ayo sa sanlahon mabasa diha sa tulo ka Ebanghelyo. Anaa kini sa Marcos 1:40–42 ug anaa usab sa Mateo 8:2–4 ug sa Lucas 5:12–14.

Mga Ideya alang sa Panag-istorya sa Pamilya

Inyong magamit ang mga tawo-tawo sa kasulatan diha sa pahina 74 aron pagsaysay sa istorya gikan sa Marcos 1:40–42. Dayon inyong mabasa ang Judas 1:22 ug pagplano isip usa ka pamilya kon unsaon paghimo og kalainan sa kinabuhi sa usa ka tawo. Tingali hilom ra mo nga makaserbisyo sa usa ka tawo!

Kanta: “Tell Me the Stories of Jesus” (Children’s Songbook, 57)

Mga Kasulatan: Marcos 1:40–42

Mga Video: Adto sa Biblevideos.org aron tan-awon ang “Jesus Heals a Lame Man on the Sabbath” ug “Jesus Heals a Man Born Blind.”

Pagsunod sa mga Tunob ni Jesus

Uban sa inyong pamilya, pag-role play kon unsaon ninyo pagpakita og gugma sa uban niining mga sitwasyona. Maghimo og inyong mga sitwasyon!

• Usa ka bag-ong pamilya ang mibalhin sa inyong kasilinganan.

• Pipila sa mga bata bati og tinagdan sa lain nga bata diha sa eskwelahan.

• Usa ka bisita nga walay kaila diha sa simbahan misulod sa Primary.

• Ang inyong manghud nga lalaki o babaye walay kadula.

• Ang bata naghilak, ug ang inyong mama nag-andam og para panihapon.

• Usa ka tawo sa inyong ward o branch nasakit ug dili makabiya sa balay.

Tip sa Kasulatan: Pagsiksik sa Pulong

Sa Marcos 1:41 ang pulong kalooy gigamit. Usahay adunay lisud nga mga pulong diha sa Biblia nga mahimong dili ninyo masabtan. Kon kamo makabasa og pulong nga wala ninyo masabti, inyong magamit ang Giya ngadto sa mga Kasulatan aron pagtabang kaninyo! Sama pananglit, inyong mapangita ang “Kalooy” aron masayran unsay kahulugan niini ug sa pagpangita og laing bersikulo nga naggamit niini. Unsa pay ubang mga pulong nga inyong mapangita kabahin sa istorya nga si Jesus miayo sa tawo nga may sangla?