Ua Sopoia e le Aiga o Nifae le Vasa

E valu tausaga na malaga ai le aiga o Nifae i le vao. Mulimuli ane na latou tau ai i se nofoaga matagofie. Sa latalata i le sami, ma sa tele ni fualaau aina ma meli e aai ai. Sa matuai fiafia tagata uma!

Ae peitai, sa lei uma ai le latou malaga. Na faatonu e le Tama Faalelagi ia Nifae e fau se vaa. Sa ia faaali mai ia Nifae ia foliga [o le vaa]. Sa Ia folafola mai, o le a ave i latou e le vaa i se laueleele fou matagofie.

Sa muamua lava fai e Nifae ni mea faigaluega. Ona amata ai lea ona ia fauina. Sa muimui uso o Nifae o Lamana ma Lemuelu. Sa lei talitonu i laua e mafai ona ia fauina se vaa.

Na iloa e Nifae e mafai e lo latou aiga ona talitonuina le Tama Faalelagi.

Ina ua uma le vaa, sa amata loa e le aiga o Nifae la latou malaga i le vasa. I se tasi aso sa feita ai Lamana ma Lemuelu ia Nifae ona la saisaia ai lea o ia. Na oo mai se afa tele ma toe tulei i tua le vaa. Na salamo le au uso, ma na toe taitai saogalemu e Nifae le vaa i lona ala.

Na iu lava ina taunuu le aiga o Nifae i matafaga o se laueleele fou. Sa fiafia Nifae ma lona aiga ona sa latou iloaina na taitai atu i latou e le Tama Faalelagi iina.

E tausia e le Tama Faalelagi Ana folafolaga i taimi uma!