Auala e Maua ai le Olioli

Saunia e Elder Dallin H. Oaks

O Le Korama a Aposetolo e Toasefululua

Ata

Elder Dallin H. Oaks

Mai se lauga o le konafesi aoao ia Oketopa 1991.

Ata

Family life in Hong Kong. Images include: Family at ocean, laughing together, reading, praying, playing games etc.

Uso ma tuafafine, matutua ma talavou, ou te aioi atu ia te outou ia manatua o le amioleaga e le o le fiafia lea ma o le agasala e oo atu ai i le faanoanoa. Le au talavou e, aua le suea le fiafia i mea feilafi ae le taua o le lalolagi. E le mafai ona tatou ausia le fiafia tumau e ala i le tulitulimatagauina o mea sese. Sa fai mai se tasi tagata, “E le mafai ona faamalieina oe i mea e te le manaomia, aua o mea e te le manaomia e te le maua ai le lotomalie.”

I e talavou ma e matutua, ia liliu ese o outou mata ma o outou loto mai savali taufaasese a ala o faasalalauga. E leai se fiafia i le ava malosi po o fualaau faasaina, na o le faapologaina. E leai se fiafia i le faasaua, na o le tiga lava ma le faanoanoa. E leai se fiafia i faiga feusuai ma aafiaga faaletino i fafo atu o noataga o le faaipoipoga, na o le faalumaina ma le faateleina o le saoasaoa i le ala o le oti faaleagaga.

E leai se fiafia tumau i mea ua tatou maua. O le fiafia ma le olioli e sau mai le ituaiga tagata ei ai se tagata, e le mai mea ua ia mauaina pe foliga mai ua ia mauaina. Le autalavou, pipiimau i ou tulaga faatonuina. Suesue ma faaaoga lena tamaitusi faaola, Mo le Malosi o le Autalavou.

O le amiotonu e uunaia le amiotonu. O aafiaga o faataitaiga amiotonu e faatosinaina ai augatupulaga i le lumanai. O tulaga lelei faamatua e maua ai talavou o e avea ma ni matua lelei. E pei lava ona faamalosia le toatele o i tatou e ala i faataitaiga faatamalii a o tatou tuaa paionia i le tele o atunuu, e mafai foi e filifiliga amiotonu ma osigataulaga o o tatou aso ona faamanuia ai o tatou aiga ma a tatou uo ma o tatou atunuu i tausaga uma o lumanai.

Ou te molimau atu ia te outou i le fiafia tumau ma le olioli sili o i latou o e faaali le faatuatua i le Atua ma tausi Ana poloaiga. Ou te fautuaina outou taitoatasi ia saili le olioli lea e oo mai i le tausia o poloaiga a le Atua ma faaaoga i ai se faatosinaga amiotonu mo le manuia o i latou tatou te alolofa i ai.