Manatu mo Afiafi Faaleaiga

O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“O Le Olioli o le Galuega o Talafaasolopito o Aiga,” itulau 22: Ua valaaulia i tatou e Elder Cook ia amata ona tatou faia galuega talafaasolopito o aiga e ala i le faia o se “Faatasiga mo le Gafa o le Aiga.” Mo la outou afiafi faaleaiga, mafaufau e faaaoga le FamilySearch.org e faamaumau ai faamatalaga, tala ma ata o lou aiga. Ua folafola mai e Elder Cook e faapea, “afai e te vaavaai i tala atu o noataga o le olaga nei ma le olaga faitino, ma fesoasoani ia i latou o e e le mafai ona fesoasoani ia i latou lava, o le a faamanuiaina oe i le vavalalata ma le olioli sili atu i lou aiga, faatasi ai ma le puipuiga faalelagi lea e tuuina mai ia i latou o e faamaoni i Lana galuega.”

Ata na tusia e Andrew Bosley

“Oa o le molimau,” itulau 70: Ina ua iloa e Sabrina o lana molimau o se oa taua, sa manao o ia e faasoa atu i tagata uma. Mafaufau e fesoasoani i lou aiga ia iloa “oa [o a latou lava] molimau” i le talanoaina pe aisea latou te fiafia ai i le talalelei a Iesu Keriso, pe faapei o latou lagona latou te maua ai, po o le, pe faapefea ona faaaoga i o latou olaga i aso taitasi. Atonu e te tuu atu i tagata taitoatasi e faamaumau ana tali i nei fesili, e ala i le tusia i lalo pe e ala i le faaaoga o se masini pue leo. Mafaufau e tuu atu i tagata taitoatasi e filifili se tagata i le vaiaso lenei e mafai ona latou faasoa atu i ai le oa o a latou molimau.