Tusiaina o Mea e Tutusa

Mo Tagata Matutua Nofofua

O mea nei sa saunoa i ai ni failauga se toatolu e uiga i le nofofua:

• “O le taimi nei o se vaega o le faavavau. E le amata pe a tatou oti! O le faatuatua ma le faamoemoe o le a pupula ai ou mata i le fiafia ua tuuina i ou luma i le taimi nei.” —Peresitene Dieter F. Uchtdorf, “O Se Taumafanafana Faatasi ma Aunty Rosa Matua,” 19.

• “O le isi mafatiaga tiga tele o le tulaga o le tuuatoatasi. O i latou e mafatia i lenei tulaga e tatau ona manatua na oo foi lo tatou Faaola i lenei ituaiga o tiga ma, e ala i Lana Togiola, ua Ia ofo mai ai le malosi e onosaia ai.” —Elder Dallin H. Oaks, “Faamalosia e Ala i le Togiola a Iesu Keriso,” 63.

• “Ia onosai. Faatali i le Alii. Ou te molimau atu e silafia e le Alii ou manaoga ma e alofa ia te oe mo lou tuuto faamaoni atu ia te Ia. E i ai Sana fuafuaga mo oe, pe i lenei olaga po o le isi. Faalogo i Lona Agaga. … I lenei olaga po o le isi, o le a faataunuuina Ana folafolaga.” —Elder Robert D. Hales, “Fetaiai ma Luitau o le Lalolagi i Lenei Vaitaimi,” 46.