Tusigāmanatu o le Konafesi o Oketopa 2015
“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38 ).
A o e suesueina le konafesi aoao ia Oketopa 2015, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.
O le a se mea e sili ona tosina ai lo tatou mafaufau nai lo se tala maoae? O tala nei e fa mai le anoanoai o tala na faasoaina i le taimi o le konafesi:
O le a le aoaoga a Chloe ma lona nofoa ia i tatou e uiga i le alofa ma le tausia o poloaiga? —Tagai Carole M. Stephens, “Afai Tou te Alofa Mai ia te Au, Ia Outou Tausi i Au Poloaiga,” 118.
O a ni auala e mafai ona tatou, faapei ai o le tama o Pablo, e fesoasoani i a tatou fanau ia malamalama i le talalelei? —Tagai Bradley D. Foster, “E Leai se Taimi ua Vave Tele ma E Leai Foi se Taimi ua Tuai Tele,” 50.
“Uso e, ua sisi ae e Satani se faatosinaga faapei o Korioa i o tatou aso ma le matua faamanuiaina. … O a ni ana meafaigaluega? O tusi o talafatu o le alofa faatuinanau, o ata faasolo o TV, o fafine faaipoipo ua fesootai ma uo tama tuai i ala faasalalau faaagafesootai, ma ponokalafi. … E le mafai ona tatou taaalo ma u fanafana a Satani ae le mu ai. …
“A tatou aofia ai i le matamata, faitau, pe oo i soo se mea e le tusa ai ma tulaga faatonuina a lo tatou Tama Faalelagi, e faavaivaia ai i tatou. Pe tatou te laiti pe ua matutua, afai o mea o loo tatou tilotilo i ai, faitau, faalogologo i ai, pe filifili e fai e le tusa ai ma tulaga faatonuina o le Alii i le Mo Le Malosi o le Autalavou, ona togi lea i fafo, tape, saei, ma ato le faitotoa.”
Linda S. Reeves, fesoasoani lua i le au peresitene aoao o le Aualofa, “O Le Mana o Folafolaga e Tausia,” Liahona , Nov. 2015, 10.
Ina ia faitau, matamata, pe faalogologo i lauga o le konafesi aoao asiasi i le conference.lds.org