Na te Talisapaia la Outou Auaunaga

“Po o le a lava lou valaauga … , atonu e i ai taimi e te manatu ai e le o silafia oe e le Tama Faalelagi. E mafai ona e tatalo ia e iloa Lona finagalo, ma faatasi ai ma se manaoga faamaoni e faia soo se mea Na te poloaiina oe e fai, o le a e maua lava se tali.

“O le a faatagaina oe e le Tama Faalelagi e te lagonaina o loo Ia silafia oe, Na te talisapaia lau auaunaga, ma ua oo ina e agavaa mo le faafeiloaiga mai le Alii lea e te matua manao e faalogo i ai: ‘Le auauna lelei e ma le faamaoni; ua e faamaoni i nai mea iti, ou te tofia oe e pule i mea e tele: ulufale maia i le fiafia o lou Alii’” (Mataio 25:23).

Peresitene Henry B. Eyring, Fesoasoani Muamua i le Au peresitene Sili, “E Le o Tuulafoaiina i le Galuega,” Liahona, Nov. 2015, 82.