Autalavou
O Se Faavae mo La’u Molimau
E alala le tusitala i Idaho, ISA.
Ina ua 16 o’u tausaga, sa tu mai sa’u uo i lo matou fale faatasi ma ni faifeautalai. I totonu o le masina talu ona fai le lesona muamua, na faapea ona taliina ai ma le manino a’u fesili uma. Sa ou lagonaina le molimau mai o le Agaga Paia i le moni o savali e uiga i le Toefuataiga. Sa le’i faapei o se isi lava mea na ou lagonaina, ma sa ou iloaina sa moni ia mea uma.
Ae peitai, sa ou oo i le faateteleina o le teena ma le tetee nai lo o se isi lava taimi muamua. Sa ou lagonaina le tuuatoatasi, vaivai, ma le le mautonu. Afai sa ou faia le mea sa’o, aisea la na ou fetaiai ai ma le tele o faigata? Sa le mafai ona ou malamalama pe faapefea ona avea o’u tofotofoga mo o’u manuia. Na aoaoina a’u e faifeautalai ia anapogi ma tatalo, e oo lava i le ogatotonu o se aso aoga. Ina ua oo ina faigata tele ia mea, sa sasaa atu lo’u loto ma sa vave ona [ou] lagona le faamafanafanaga a le Agaga.
Sa tumu le vaiaso o lo’u papatisoga i tofotofoga. Na faamata’u mai lo’u pule e tuli a’u pe afai ou te faamisia lo’u papatisoga ae ou faigaluega e sui mo se isi tagata, sa iu ina ou nofo i le falema’i ona o fatumaa, ma sa fai mai o’u matua ou te aluese ma lo latou aiga. Faatasi ai ma le anoano o mea sa le oo i ai lo’u malosi, na pau lava le mea sa mafai ona ou faia, o le liliu atu i le Alii.
O na tofotofoga taitasi uma na iu lava ina avea ma o’u manuia. Sa fesoasoani ou te aoao ai e uiga i aoaoga faavae o le talalelei, lea na tuuina mai ai ia te a’u se faavae mo la’u molimau.