Tubu na Lotu mai Aferika

Toso tiko vakaukauwa sara na tubu ni Lotu mai Aferika ena 30 na yabaki sa oti. Ena itekivu ni 2016, a 1,600 na ivavakoso YDE mai Aferika, ka sivi na veimama ni milioni na lewe ni Lotu—oqori e sivia ni vaka 11 na levu ni tabanalevu kei na tabana ka vaka 20 na levu ni lewenilotu ena 1985.

Ena 2015 a tauyavutaka kina na Lotu e 17 na iteki vovou e Aferika taucoko.

Era raica na iliuliu na tubu, ni vu mai, dua beka na tikina, ena vakanamata ni matavuvale ki na kosipeli. E kaya o João Castenheira, e dua na peresitedi ni iteki e Maputo, Mozambique, “Era vakaraica na lewenilotu e dua na lotu e kauta mai vei ira na marau, ia na kosipeli vakalesui mai i Karisito e kauta mai na marau ki na matavuvale.”

“Au vakila dina ni oqo na gauna nei Aferika,” e kaya o Elder Edward Dube ena Vitusagavulu, e dua na itaukei kei Zimbabwe. “Sa tatara tiko na liga ni Turaga ena konitineni.”