Elder Joaquin E. Costa

Vitusagavulu, Vakaitutu Raraba

A biuti Joaquin Esteban Costa e dua na itokani dau veivakilaitaki ena sala ka qai vakavuna nona saumaki ki na kosipeli i Jisu Karisito, vakamau ena valetabu, ka veiliutaki ena Lotu.

A sucu o Joaquin Costa ena 8 ni Maji, 1965, vei rau o Eduardo J. Costa kei Graciela M. Fassi. Ni gonevuli ena univesiti mai Buenos Aires, Argentina, a vakaveikilaitaki koya vei Renee Varela e dua na itokani, o Alin Spannaus, sa Vitusagavulu tiko ni iWasewase ena gauna oqo. Ni dua o koya na ikarua ni itabatamata Yalododonu Edaidai, a lomalomarua o Renee me vakadonuya na gadi kei na cauravou yabaki 21 sega ni lewe ni Lotu. Ni oti e tolu na gadi sa nanuma o koya ni “sa rui taleitaki koya vakalevu” ka nanuma me rau sa kua tale ni gadi. Ni cava na yabaki vakavuli, a lesu tale ki na vanua a sucu kina, e Entre Rios, Argentina.

A ciqoma o Renee na veikacivi me laki veiqaravi ena Tabana ni Kaulotu na Chile Osorno. Ni lesu mai, a tuva o Baraca Spannaus me rau tiko ruarua kei Joaquin ena dua na soqo ni marau, ka kerei koya kina o Joaquin me rau gadi. “Au masu ka nanuma meu solia vua e dua na madigi,” e kaya o Sisita Costa.

Sega ni dede sa vulica tiko na Lotu o Joaquin. Ni vuli tiko vei rau na daukaulotu, a kerei koya o Renee me masu ka wilika na iVola i Momani mai na kena itekivu ki na kena iotioti.

“Se bera ni yacova na iotioti sa ciqoma e dua na ivakadinadina kaukauwa,” e kaya o Sisita Costa. “A sega ni papitaiso walega me vakamarautaki au. Keirau a veigadivi tale ena dua na yabaki ka keirau qai vakamau ena Valetabu na Buenos Aires Argentina ena 1989.”

A rawata o Elder Costa e dua na diqiri na bejila ni economics ena 1987 mai na University kei Buenos Aires. Ni rau se veiwatini gone erau a toki ki Provo, Utah e Amerika ka laki rawata kina na diqiri ni master ni veiliutaki vakabisinisi ena 1994 mai na Univesiti na Brigham Young. Eratou a vakaitikotiko o rau kei na nodrau matavuvale sa tubu tikoga ka okati kina e va na gone, ka vakaitikotiko e Chicago, Illinois, e Amerika, ni cakacaka ena dua na kabani ni vakatubuilavo ni veimatanitu kei na veiqaravi ena veika vakailavo. A kauta lesu nona matavuvale ki Argentina na nona cakacaka vakadaunibaqe me vica na yabaki oti qai gole yani ki na Czech Republic ka gole sara yani ki na Sultanate of Oman. Ena rua na yabaki sa oti, eratou sa vakaitikotiko kina kei na nona matavuvale mai Lima, Peru, na vanua a cakacaka tiko kina ena dua na kabani ni vakatubuilavo ka vakanamata vakatabakidua ena soli dinau lalai ni bisinisi.