Caka Vinaka Tiko e Vuravura

Era dau muria tikoga na ivakaraitaki ni iVakabula ni “lako voli ka daucaka vinaka” (Cakacaka 10:38). Oqo e vica na kena ivakaraitaki:

Mai Abu Dhabi, ena United Arab Emirates, era soqoni vata na lewe ni Lotu kei na itokani mai na ciwa na matanitu ena Tokalau e Loma—itaukei mai na ono na konitineni—ena dua na koniferedi kei na cakacaka ni veiqaravi raraba ni veimatavakabauta. Era soqoni vata ka veisoliyaka e 8,500 na kato ni tiko savasava kei na kakana.

Mai Uganda, e rua na vuniwai ni bati kei na tolu ena tabana ni tiko savasava, ratou Yalododonu Edaidai kece, eratou taura e dua na macawa me bulu bati, veicavu ka sava bati, veivakavulici ena ivakarau ni bula savasava vinaka, ka vakasalataki ira na vuniwai ni bati kei na vulivuniwai ni bati mai kea ena iwalewale vinaka duadua ni veiqaravi.

Mai Malaysia, Era vakanamata na lewe ni Lotu ena matavuvale ena gauna ni marautaki ni Yabaki Vou nei Jaina, e dua na soqo ka dau caka kina na siko ibulubulu me ra vakananumi, dokai, ka vakarokorokotaki kina na tubudra era sa yali yani.

Mai Thailand, era soqoni vata na lewenilotu yabaki 18 ki na 35 e Bangkok ena dua na veisisivi vakasaqa kei na cakacaka vakaveiqaravi.

Mai Viti, era vakarautaka na lewenilotu kei na daukaulotu na veivuke vei ira na vakaleqai ena vuku ni Cagilaba o Winston. Era cakacaka vata na iliuliu ni Lotu kei na veisoqosoqo vakamatanitu kei ira na veisoqosoqo tale eso me vakarautaki na kakana, wai, valelaca, pakete ni tiko savasava, kei na veiyaya tale eso ni leqa tubukoso.