Elder Valeri V. Cordón

Vitusagavulu, Vakaitutu Raraba

Mai vei tinana, ka a curu ki na Lotu ni yabaki 16, sa ciqoma kina o Elder Valeri Vladimir Cordón Orellana e dua na yavu ki na kosipeli ka vukei koya vinaka ena nona toki tani me 95 na maile (150 km) mai na nona koro o Zacapa, Guatemala, me laki vuli torocake ena Siti o Guatemala ka vulica na vakadidike vakompiuta.

“Na ka bibi duadua au ciqoma mai vei tinaqu meu rokova na veika bibi ena Lotu,” e nanuma lesu o Elder Cordón, na luvedrau o Ovidio kei Ema Orellana Cordón.

A sucu o Elder Cordón ena 19 ni Feperueri, 1969, ena siti o Guatemala, kei na nona bula vakagonetagane e Zacapa. A lako o tamana ki Chicago Illinois, e Amerika me laki cakacaka. Ni tiko voli e kea era a vakauqeti koya na lewenilotu ka ciqoma na itukutuku ni kosipeli mai vei rau na daukaulotu. Eratou a vauci na matavuvale ena Valetabu na Mesa Arizona ena 1972, ni yabaki tolu o Valeri.

E kaya o Elder Cordón a yaco me taleitaka na kosipeli ena nona dau rogoca na tinana ni lagata e veigauna na veisere ni Lotu me vaka na “Au Luve ni Kalou” kei na “I Hope They Call Me on a Mission.” A veiqaravi o Elder Cordón ena Tabana ni Kaulotu na El Salvador mai na 1987 ki na 1989.

A vakamautaki Glenda Zelmira Zea Diaz ena 25 ni Maji, 1995, ena Valetabu na Guatemala City Guatemala. A nakita o Sisita Cordón me kaulotu, ia a veisau na lomana ni sotavi Valeri. E muri a qai kila ni oqo na cauravou a toboka na matana ni raica na kena itaba ena dua na mekasini ni Lotu. E tolu na luvedrau yalewa.

A ciqoma o Elder Cordón e dua na diqiri ni bejila mai na Univesiti na Mariano Galvez e Guatemala ena 2010 kei na master ni veiliutaki vakabisinisi mai na Massachusetts Institute of Technology ena 2012. A cakacaka vakadairekita ni ivakarau ni itukutuku ena dua na kabani ni volitaki wainimate ka tekivu mai na 2012 ena Pepsico Foods Mexico, Central America kei na Caribbean.

Ena gauna e kacivi kina, a veiqaravi voli o Elder Cordón ena iKava ni Kuoramu ni Vitusagavulu ena iWasewase na Central America. A veiqaravi o koya ena mataveiliutaki ni Tabana ni Kaulotu na Costa Rica San José East mai na 1998 ki na 2000.