Ngaahi Talanoa ʻo Sīsuú
ʻOku ʻOfa ʻa Sīsū ʻIate Au
Kimuʻa pea faʻu ʻa e māmaní, ne tau nofo kotoa pē ʻi langi mo ʻetau ongomātuʻa fakalangí pea mo hotau Tuongaʻane/Tokoua lahi ko Sīsuú. Naʻa tau fiefia, pea naʻa tau feʻofoʻofani ʻaupito.
ʻI he ʻaho ʻe taha naʻe fakahā mai ai ʻe he Tamai Hēvaní te ne faʻu ha māmani ke tau nofo ai. Naʻá Ne ʻafioʻi ʻe ʻi ai ha ngaahi taimi he ʻikai ke tau tauhi ai ʻEne ngaahi fekaú lolotonga ʻetau ʻi he māmaní. Te tau fie maʻu ha Fakamoʻui ke tokoni ke tau toe foki ai ki ʻapi kiate Ia. Naʻe fili ʻe he Tamai Hēvaní ʻa Sīsū ke hoko ko hotau Fakamoʻuí.
ʻI he hāʻele mai ʻa Sīsū ki he māmaní, naʻá Ne fakahaaʻi mai e founga totonu ke tau moʻui aí. Naʻá Ne tokoni ki he kakaí. Naʻá Ne akoʻi kinautolu ke nau feʻofaʻaki.
Naʻe mamahi ʻa Sīsū ʻi he Ngoue ko Ketisemaní pea mo e kolosí. Naʻá Ne fai ʻení ka tau lava ʻo fakatomala pea ke tau lava ʻo toe nofo mo ia hili ʻetau maté.
ʻI heʻeku ako fekauʻaki mo Sīsuú, ʻoku ou ongoʻi ai ʻEne ʻofa ʻiate aú.