Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.

“Lototoʻa ʻi Heʻetau Fakamoʻoni ki he Fakamoʻuí,” peesi 28: Ko e talanoa ʻa ʻEletā Golden ki he founga te tau fehangahangai ai mo e faingataʻá ka ko e ngaahi momeniti mahuʻinga ia ʻo ʻetau moʻuí. Te mou lava ʻo fakatātaaʻi ha ngaahi tūkunga ʻoku fehangahangai ai ha kau mēmipa ʻo e fāmilí mo ha fili faingataʻa. Hangē ko ʻení, te mou lava ʻo talaange ki hao kaungāmeʻa he kalasí he ʻikai ke ke tali ke ne kākā ʻo hiki hoʻo homueká, pe kole ki hao kaungāmeʻa ke ne fakaʻaongaʻi ha lea ʻoku leleí. Talanoa ki he founga ʻe lava ke ke teuteu ai ke fakatupulaki ha fakamoʻoni mālohi ki he Fakamoʻuí, kimuʻa pea hoko ha meʻa pehē.

“ʻE tali maʻu pē nai ʻe he Tamai Hēvaní ʻeku ngaahi lotú?” peesi 69: Ko e hā ha founga kuó ke mamata ai ki hono tali hoʻo ngaahi lotú? Mahalo te ke vahevahe ha ngaahi aʻusia makehe naʻe tali ai ʻe he ʻEikí hoʻo ngaahi lotú, ʻo tatau pē pe naʻe tali ʻi he founga ne ke ʻamanaki pe ʻikai ʻamanaki ki aí. Fakakaukau ke mou fefakalotolahiaʻaki ke mou tohi ʻi hoʻomou tohinoá ha ngaahi founga makehe kuo tali ai ʻe he ʻEikí hoʻomou ngaahi lotú mo ne tāpuekina kimoutolu.