Ko ha Talaʻofa Fakaepalōfita
Ko e Palani ʻo e Fakamoʻuí
Palesiteni Tōmasi S. Monisoni, “Ko e Hala Haohaoa ki he Fiefiá,” Liahona, Nōvema 2016, 80–81.
“Ko e uho ʻo e palaní [ʻo e fakamoʻuí] ʻa hotau Fakamoʻui ko Sīsū Kalaisí. Naʻe mei mole ʻa e meʻa kotoa pē, ka ne ʻikai ʻEne feilaulau fakaleleí. Ka ʻoku ʻikai feʻunga ia ke tau tui pē kiate Ia mo Hono misioná. ʻOku fie maʻu ke tau ngāue mo ako, fekumi mo lotu pea fakatomala mo fakalakalaka. ʻOku fie maʻu ke tau ʻiloʻi e ngaahi fono ʻa e ʻOtuá pea moʻuiʻaki kinautolu. ʻOku tau fie maʻu ʻEne ngaahi ouau fakamoʻuí. Te tau maʻu ʻa e moʻoní mo e fiefai taʻengatá ʻi heʻetau fakahoko ʻení.
“ʻOku tau monūʻia ke maʻu ʻa e moʻoní. Kuo tau maʻu e fatongia ke vahevahe ʻa e moʻoní. Tau moʻui ʻaki muʻa e moʻoní, ka tau lava ʻo maʻu ʻa ia kotoa kuo teuteu ʻe he Tamaí maʻatautolú. ʻOkú Ne fai e meʻa kotoa pē ke tau lelei ai. Kuó ne fakahā mai, ‘Ko ʻeku ngāué ʻeni mo hoku nāunaú—ke fakahoko ʻa e moʻui taʻe-faʻa-mate mo e moʻui taʻengata ʻa e tangatá’ [Mōsese 1:39].
“ʻOku ou fakamoʻoni ʻaki hoku lotó kotoa pea ʻi he loto fakatōkilalo moʻoni, ki he meʻaʻofa maʻongoʻonga ko ia ko e palani ʻa ʻetau Tamaí maʻatautolú. Ko e hala haohaoa pē ʻe taha ki he nongá mo e fiefiá ʻi he māmani ko ʻení pea mo e maama ka hoko maí.”