O Le Olioli e Taua i lo Tatou Ola ai Faaleagaga

Peresitene Russell M. Nelson, Peresitene o le Korama a Aposetolo e Toasefululua, “Olioli ma le Ola ai Faaleagaga,” Liahona, Nov. 2016, 82, 83, 84.

“Afai o le taulaiga o o tatou olaga e i le fuafuaga o le faaolataga a le Atua … ma ia Iesu Keriso ma Lana talalelei, e mafai ona tatou lagona le olioli e tusa lava po o a mea o tutupu—pe le o tutupu foi—i o tatou olaga. …

“… O Lona olioli e faifai pea, ma faamautinoa mai o tatou ‘puapuaga o le a nao sina minute laitiiti’ [MF&F 121: 7] ma faapaiaina mo lou manuia. …

“… E pei o mea uma, o Iesu Keriso o lo tatou faataitai sili, ‘o le na onosai i le satauro, ona o le olioli sa tuu i ona luma’ [Eperu 12:2]. Mafaufau i lena mea! Ina ia mafai ona Ia onosaia aafiaga aupito i faigata e lei onosaia muamua i le lalolagi, na taulai atu ai lo tatou Faaola i le olioli! …

“Afai tatou te vaai atu i le lalolagi ma mulimuli i ona mamanu mo le fiafia, tatou te le iloaina lava le olioli. … O le olioli o se meaalofa mo le au faamaoni.”