Avea e Pei o Sepulona

Saunia e Elder Michael T. Ringwood

O Le Fitugafulu

“Ou te fai atu ia te oe, loʼu atalii e, ua na ia te au le olioli tele ia te oe nei o ia, ona o lou faamaoni ma lou filiga” (Alema 38:3).

O la’u toa manumanu o le Tusi a Mamona o Sepulona. Sa lelei moni lava o ia. Na te lei popole i manatu o isi tagata e uiga ia te ia. Sa na o lona popole i le usiusitai i le Tama Faalelagi. Na faatuatuaina o ia e lona tama, o Alema le itiiti. Na fiafia tele Alema i le tausiga e Sepulona o poloaiga talu mai lona talavou (tagai i le Alema 38:2).

Ma sa filifili pea e Sepulona le mea sa’o. Sa ia fesoasoani i isi ona sa ia alofa ia i latou ma ona sa ia alofa i le Atua. Sa ia faia le mea sa’o aua sa ia iloaina e sa’o. Na te lei taumafai ia maua mai ai se taui.

I la’u misiona i Korea, sa ou galue faatasi ai ma se faifeautalai o le sa matua pei lava o Sepulona. Sa faamaoni ma usiusitai o ia i le Tama Faalelagi. Ae sa lei mafaufau isi faifeautalai o ia o se faifeautalai lelei tele. Sa ou manao ina ia latou iloa e sese i latou e uiga ia te ia! Ae sa saunoa mai lo’u peresitene o le misiona, “E silafia e le Tama Faalelagi o ia o se faifeautalai lelei, e faapena foi a’u. Ma o lea ua e iloa foi, o ai la se isi tagata e sili ona taua?”

Atonu tatou te mafaufau e faigata tele ona faapei o Sepulona ma fai le mea sa’o ona e sa’o. Ae e mafai ona fesoasoani mai le talalelei ia i tatou! Pe a tatou papatiso, tatou te amata ia avea ma tagata sili atu ona lelei. Pe a tatou aai ma feinu i le faamanatuga, tatou te faafouina a tatou feagaiga. E mafai ona tatou avea e pei o le e finagalo le Tama Faalelagi ia avea ai i tatou.