2017
Mana o le Perisitua e ala i le Tausia o Feagaiga
June 2017

Savali a Faiaoga Asiasi

Mana o le Perisitua e ala i le Tausia o Feagaiga

Ia suesue ma le agaga tatalo lenei savali ma saili ia iloa mea e faasoa atu. E faapefea e le malamalama i le faamoemoega o le Aualofa ona saunia afafine o le Atua mo faamanuiaga o le ola e faavavau?

woman walking out of the temple

“O la’u savali i … tagata uma, e mafai ona tatou ola i taimi uma ma le ‘manuia i le mana o le perisitua,’ po o a lava o tatou tulaga,” na saunoa mai ai Elder Neil L. Andersen o le Korama a Aposetolo e Toasefululua.

“… A o outou auai ma le agavaa i sauniga o le perisitua, o le a tuu atu ia te outou e le Atua le malosi silisili, filemu, ma le vaaiga e faavavau.” Po o le a lava lou tulaga, o le a ‘manuia [lou aiga] i le mana o le perisitua.’”1

E faapefea ona tatou valaauliaina le mana o le perisitua i o tatou olaga? Ua faamanatu mai e Elder M. Russell Ballard o le Korama a Aposetolo e Toasefululua ia i tatou “o i latou o e na ulu atu i le vai o le papatisoga, ma sa maua o latou faaeega paia i le maota o le Alii e agavaa mo faamanuiaga o le tamaoaiga ma le matagofie. O le faaeega paia o se meaalofa moni lava o le mana … [ma] e lima foa’i lo tatou Tama o i le Lagi i Lona mana.” Na te faamanatu mai ia i tatou o alii ma tamaitai “ua faaeeina ia i laua uma le mana lava lea e tasi” i le malumalu, “pe a faauigaina o le mana o le perisitua.”2

Na saunoa mai Linda K. Burton, Peresitene Aoao o le Aualofa: “Talu ai o le mana o le perisitua o se mea e tatou te mananao uma ia i ai i o tatou aiga ma auaiga, o a mea e manaomia ona tatou faia ia valaaulia ai lena mana i o tatou olaga? O le amiotonu faaletagata lava ia e taua tele i le mauaina o le mana o le perisitua.”3

“Afai o le a tatou faamaulalo i tatou lava i luma o le Alii ma ole atu ia te Ia e aoao i tatou, o le a Ia faaali mai ia i tatou le auala e faateleina ai lo tatou mauaina o Lona mana,” na saunoa mai ai Peresitene Russell M. Nelson, Peresitene o le Korama a Aposetolo e Toasefululua.4

Mau Faaopoopo ma Faamatalaga

1 Nifae 14:14; Mataupu Faavae ma Feagaiga 121:36; 132:20; reliefsociety.lds.org

Relief Society seal

FaatuatuaAiga Toomaga

Faamatalaga

  1. Neil L. Andersen, “Mana o le Perisitua,” Liahona, Nov. 2013, 92, 95.

  2. M. Russell Ballard, “Alii ma Tamaitai ma le Mana o le Perisitua,” Liahona, Sete. 2014, 36.

  3. Linda K. Burton, “O Le Mana o le Perisitua—Ua Avanoa mo Tagata Uma,” Liahona, Iuni 2014, 21.

  4. Russell M. Nelson, “O Le Tau o le Mana o le Perisitua,” Liahona, Me 2016, 69.