O Tamaiti Agaalofa
Faia o ni Pepe Meataalo, Faia o ni Uo
Talofa! Ou a’u o Jackson, mai Siamani, ma o loʼu uso lea, o Iosia, ma lo’u tuafafine, o Cora Jade.
O Se Manatu Maoae
O le toatele o tagata e o mai i Siamani pe a le toe saogalemu i o latou atunuu. Ua ta’ua i latou o tagata sulufai. E leai ni meataalo a tamaiti, o lea ou te tuuina atu ai ia i latou nisi o a’u [meataalo]. Ona ou mauaina lea o se manatu maoae. Sa ou fesili i lo’u tina pe mafai ona matou faia ni pepe meataalo mo i latou.
Suisui ma Tina
Ou te fiafia e suisui ma lo’u tina. Ou te vilia le vae o le laau suisui ma tuu ieie po o mea e faatumu ai i totonu o pepe meataalo.
Faamatalaga o le Fiafia
E aoina o lo’u aiga ni lavalava ma meataalo e aveatu i le au sulufai iinei. Matou te tusia ni ata mo i latou o mea e faafiafiaina ai i matou.
Uo Fou
Na matou aveina ni pepe meataalo i tolauapiga a le au sulufai ma aveatu i tamaiti o loo i ai iina. Ou te fiafia i le faia o ni uo fou!
O A’u o se Atalii o le Atua
Sa latou usuina ni pese mo i matou, ma sa matou taina a matou mea faifaili mo i latou. O nisi tagata o e sa faanoanoa sa ataata ina ua matou taina le pese “O a’u o se atalii o le Atua.” Sa matuai manaia tele le faalogona.
E Alofa Iesu Ia I Tatou
O tamaiti sa matou feiloai i ai e pei lava o i matou i le tele o itu. Matou te fiafia uma lava e pepese ma maua ni meataalo ma taaalo i fafo. Ou te iloa e alofa Iesu ia te i latou, ma e alofa o Ia ia te a’u.
Mo nisi manatu e uiga i i le auauna atu i tagata sulufai i la outou eria, asiasi ane i le lds.org/go/61775.