Indeks blong Ol Konfrens Stori

Lis ia, i wan lis blong ol eksperiens we oli jusumaot we oli kamaot long jeneral konfrens ia. Ol namba oli ripresentem fas pej blong toktok.

Spika	Stori
Reyna I. Aburto	(78) Ol Ol Lata-dei Sent long Jile, Peru, Meksiko, mo help blong Yunaeted Stet afta long ol disasta.
Neil L. Andersen	(24) Kathy Andersen i ridim evri toktok blong Presiden Russell M. Nelson we hem i bin givimaot long ol jeneral konfrens bifo, mo i prea blong save stret se hem nao i karem wok blong profet.
M. Russell Ballard	(9) Taem hem i luk saes blong wan sid blong masted plant long Jerusalem, M. Russell Ballard i tingbaot ol tijing blong Sevya long saed blong fet.
David A. Bednar	(30) Russell M. Nelson mo Henry B. Eyring oli folem invitesen blong Presiden Thomas S. Monson blong stadi long Buk blong Momon mo blong praktisim ol trutok we oli stap insaed long buk ia.
Jean B. Bingham	(104) Wan Rilif Sosaeti sista i givhan long wan yang mama we i “lus mo i stap hemwan.” Wan sista blong Afrika i givhan long wan nara sista we oli kilim hem mo oli stilim ol samting blong hem. Ol memba blong wod oli kea long wan sista we i stap faet agensem kansa. Ol yang woman oli wok blong lukluk ol nid blong neiba blong olgeta.
Gérald Caussé	(111) Bifo oli givim raet blong bildim Paris Franis Tempol, ol memba blong lokol kaonsel blong taon ia oli visitim wan sakramen miting. Taem hem mi wan stek presiden, Gérald Caussé i stap glad se ol memba blong stek blong hem oli stap kam antap blong stap tru mo gat fet long Sevya. Gérald Caussé i talem long wan fren blong hem se evri famli i nidim wan man we i kasem prishud insaed long hom.
D. Todd Christofferson	(55) Wan kworom blong ol elda oli go pikimap ol kaekae blong wan fama afta we fama ia i lusum plante memba blong stret famli blong hem we oli ded from oli kasem flu.
Quentin L. Cook	(114) Ol heven oli kamkamaot long ol memba mo ol memba oli fulap long glad long Ketlan Tempol Dedikesen. Quentin L. Cook i filim lav mo pis insaed long Oklan Kalidonia Tempol.
Massimo De Feo	(81) Boe blong Massimo De Feo i talem long ol fren blong hem long klas se papa blong hem i “jif blong yunives.” Mama blong Massimo De Feo we i stap ded, i soem se hem i lavem boe blong hem i bitim we hem i lavem hemwan bakegen.
Devin G. Durrant	(42) Gem blong famli haos naet i bildimap tras blong yangfala Devin G. Durrant. Durrant famli oli tekem ol pikja aotsaed long tempol.
Larry J. Echo Hawk	(15) Echo Hawk famli i toktok gud long draeva we bin dring we i kilimded brata blong J. Echo Hawk wetem ol tawi blong hem.
Henri B. Aering	(61) Ol bigbigfala bubu blong Henry B. Eyring’ oli lavlavem tufala taem tufala i bin stap krosem ol bigfala flat ples. Wan yangfala man i andastanem wanem nao olgeta we oli kasem prishud oli save mekem taem oli givim seves long Lod. Wan hom tija we i gat insperesen, i givhan long wan famli we i stap long bigfala nid. (86) Afta we mama blong Henry B. Eyring i ded, papa blong hem i kasem kamfot we i kam long Tabu Spirit.
Taylor G. Godoy	(34) Ded blong boe blong wan fren blong hem i mekem se Taylor G. Godoy i yusum “wan moa dei” blong laef wetem waes tingting. Wan sista blong Peru i tingting hevi long ol kavenan blong hem afta we hem i mekem sam sakrifaes blong save go long tempol. Taylor G. Godoy i wantem kam bes studen afta we mama blong hem i mekem sam sakrifaes blong hem i save skul blong kam dentis.
Gerrit W. Gong	(97) Gerrit W. Gong i stap talem ol bedtaem stori long ol boe blong hem, mo tu, hem i stap singsing long olgeta blong oli slip.
Jeffrey R. Holland	(101) Wan brata, we waef blong hem i foldaon wantaem, i ringim hom tija blong hem blong i helpem hem.
Douglas D. Holmes	(50) Olgeta we oli kasem Aronik Prishud oli serem ol testemoni blong olgeta wetem ol nara fren blong olgeta. Ol memba blong kworom blong ol pris ia oli kam blong andastanem wanem mining blong “Jisas Kraes i givim raet long mi.”
Russell M. Nelson	(68) Olgeta we oli holem prishud oli no stap mestem mo no stap givim ol tru blesing long ol memba blong famli, o ol sista wetem ol niufala koling. Russell M. Nelson i helpem wan man blong kambak long Jos. (93) Taem hem i bin wan boe, Russell M. Nelson i laekem blong lanem samting abaot gospel mo i wantem tumas blong hem i sil wetem papa mo mama blong hem. Yangfala Russell M. Nelson i smasem gud ol botel blong strong drink from se hem i wantem papa mo mama blong hem i laef folem Tok blong Waes.
Dallin H. Oaks	(65) Wan presiden blong kworom blong ol elda i givim kaonsel long wan memba blong kworom blong no stop blong go long Yunivesiti.
Bonnie L. Oscarson	(36) Taem hem i bin wan yang woman, oli bin askem Bonnie L. Oscarson blong mekem ol wok mo ol koling we, plante taem, ol adalt nao oli stap mekem.
Dale G. Renlund	(46) Parli mo Orson Prat oli lavem ol bubu blong tufala, mekem se hemia i bin helpem tufala blong stretem smol raorao blong tufala. Ol blesing blong tempol oli help blong hilim wan famli we hat blong boe blong olgeta, oli bin donetem i go long wan man.
Lynn G. Robbins	(21) Profesa blong yunivesiti blong Lynn G. Robbins i leftemap tingting blong ol studen blong tingting long fasin blong mestem samting, o fasin blong no winim wan samting olsem wan tija mo gohed blong traem.
Ulisses Soares	(98) Ulisses Soares mo waef blong hem oli kasem kwik ol visa blong tufala afta we tufala i soem fet se Lod bae i mekem wan merikel blong tufala.
Gary E. Stevenson	(17) Gary E. Stevenson i kasem wan testemoni abaot olgeta ia we oli bin kam profet afta long ded blong Presiden David O. McKay. Wan foma studen i presem fasin blong tij blong Dokta Russell M. Nelson.
Brian K. Taylor	(12) Brian K. Taylor i tingbaot ol tija blong Praemeri we oli gat longfala tingting. Afta long wan aksiden blong trak we hem nao i mekem se i hapen, wan yang woman i faenem pis blong save se hem i wan pikinini blong God.
Taniela B. Wakolo	(39) Afta we hem i stap go long jos blong 39 yia, wan man i kasem baptaes mo konfemesen, mo afta, i sil long waef blong hem long tempol.
Larry Y. Wilson	(75) Taem hem i bin folem ol kwaet toktok blong Spirit, wan LDS japlen i help blong sevem wan transpot sip mo ol kru blong hem blong kamaot long wan strong hariken long solwota.
Claudio D. Zivic	(83) “Stanap strong mo bambae yu win,” Presiden Thomas S. Monson i talem long Claudio D. Zivic mo waef blong hem. From kayak blong Claudio D. Zivic i brokbrok smol, i mekem se i had blong hem i kontrolem kayak ia.