Lisa L. Harkness

Fas Kaonsela Insaed long Praemeri Jeneral Presidensi

Lisa L. Harkness, oltaem i gat wan lav blong lanem samting mo i lavem wol raon long hem; hemia wan samting we hem i karem long papa mo mama blong hem. Hem i stadi long politik saens, mo tu, i lanem olsem wanem blong handelem ol reptael taem hem i bin wok long Monte Bean Laef Saens Miusium long taem we hem i stap long Brigham Yang Yunivesiti—hemia i tekem tu ol snek.

“Ol animol ia oli gat fasin blong olgeta; i stap long yu blong biliv o nogat” hem i talem. “I gat wan we i save gud mi evri taem we mi holem hem.” Howod, wan olfala red boa snek, bae i krip i go antap long solda blong hem, i raonem hem raon long nek blong hem, i putum hed blong hem i slip long hed blong Sista Harknes, long semtaem we bae hem i stap tijim ol grup we oli kam long miusium.

Tedei, hem i save pikimap mo luksave ol defdfren kaen snek we oli stap—sapos oli no mekem noes long hem.

Sista Harkness i bin bon long Los Anjeles, Kalifonia, YSA long 13 Jenuware 1965, mo papa mo mama blong hem i Ronald mo LaRae Long. Hem i fasbon long faef pikinini, mo hem mo famli blong hem oli bin oltaem laekem blong go aot, stap aotsaed mo lukluk raon long wol. Hem i talem olsem from se oltaem bae hem i askem ol kwestin long papa mo mama blong hem. “Mi biliv fulwan mo trastem se mi save go long Papa long Heven mo kasem wan ansa.”

Afta we hem i go long wan misin we oli toktok Spanis, long Luisiana Batong Ruj Misin, Sista Harkness i graduet long BYU, wetem wan saens digri long politik saens mo tijing long sekendri. Hem i maredem David S. Harkness long 22 Epril 1988 long Sol Lek Tempol. Tufala i gat faef pikinini mo tu apupikinini.

Sista Harkness—we oli putum hem olsem Fas Kaonsela long Praemeri Jeneral Presidensi long 31 Maj 2018—i bin stap tu olsem wan memba blong Praemeri jeneral bod, stek Yang Woman presiden, wod Rilif Sosaeti presiden, kaonsela long wod Yang Woman presidensi, Maea Med Advaesa, Yang Woman kamp daerekta, stek famli histri daerekta, wod famli histri konsalten, mo Gospel Doktrin tija.

Hem i volontia wetem lokol paren-tija asosiesen, komuniti kaonsel, Yuta Simfoni, mo wetem Festival blong Timpanagod Storytelling, mo tu, wetem lokol gavman blong hem long ol defren posisen.