2018
Ol Haelaet blong Namba 188 Yia Jeneral Konfrens
May 2018

Ol Haelaet blong Namba 188 Yia Jeneral Konfrens

Jeneral Konfrens ia i wan histri from plante risen, mo wan i blong jenisim ol kworom blong Melkesedek Prishud, mo stat blong wan niu taem blong givhan. Ating samting we evriwan i bin wet from, i janis ia blong wanwan man, woman blong sastenem Presiden Russell M. Nelson olsem namba 17 Presiden blong Jos blong Jisas Kraes blong Ol Lata-dei Sent.

Wan Tabu Asembli

Taem yumi bin stanap mo sastenem wan niu profet mo Presiden, i no gat man i no bin kaontem mo raetemdaon han we yumi bin leftemap; oli bin raetemdaon long heven, olsem wan kavenan blong yumi wetem God.

Truaot long konfrens, yumi bin luk pruf se hemia i Jos blong Sevya, we Hem nao i stap lidim tru long ol wokman blong Hem. Yumi witnesem posisen we wan profet we i stap laef i stap long hem wetem wanwan long yumi—hem i no stanap bitwin yumi mo Sevya, be hem i stanap long saed blong yumi mo i stap poenem rod we i go long Sevya. Yumi bin gat eksperiens ia blong gat janis blong kasem “wan witnes blong yumiwan se koling blong Presiden Nelson i kam long God,” mo blong mekem “sol blong yumi i hang strong long Lod Jisas Kraes taem yumi lisin long olgeta we Hem i sendem olgeta oli kam” (luk long Elda Neil L. Andersen long pej 26).

  • Yu save lanem moa abaot Presiden Nelson long spesel 16 pej we i kam wetem Mei 2018 Ensign mo Liahona.

Stap Sastenem Ol Niu Lida

Yumi bin sastenem Presiden Nelson, be tu, yumi bin sastenem moa long 70 niu lida.

  • Faenem wan lis blong olgeta ia we yumi bin sastenem olgeta, we i gat ol niufala Eria Seventi; i stap long ol pej 6–8, 28–29.

  • Ridim ol sot laef stori blong ol niu lida, stat long pej 121.

Ol Jenis long Ol Kworom mo Givhan Program

Nomata we ol profet oli bin lukaot long wok blong hemia, ol jenis ia we oli bin anaonsem long taem blong konfrens, oli “ol eksampol blong revelesen we i kam long God we i bin lidim Jos ia stat long stat finis,” Elda Jeffrey R. Holland i bin talem (luk long pej 101).

  • Ridim ol instraksen blong mekem ol jenis blong ol kworom; ol instraksen ia oli kam long Presiden Nelson, Elda D. Todd Christofferson, mo Elda Ronald A. Rasband, stat long pej 54.

  • Ridim ol instraksen long saed blong givhan program we oli kam long Presiden Nelson, Elda Holland, mo Sista Jean B. Bingham, stat long pej 100.

  • Faenem moa infomesen long saed blong ol jenis ia mo ol risos we i givim instraksen long nius seksen long ol pej 132–133.

Sam Moa Tempol

Blong poenem gud “mesej blong mifala i go long wol,” we “mifala i stap invaetem evriwan long ol pikinini blong God long tugeta saed blong vel blong kam long Sevya blong olgeta, kasem ol blesing blong tabu tempol, stap glad oltaem, mo kwalifae from laef we i no save finis,” Presiden Nelson i anaonsem seven niufala tempol.

  • Faenemaot weaples nao ol seven niufala tempol bae oli stap long hem, long pej 133.