Elda Steven R. Bangerter

Jeneral Atoriti Seventi

Long taem blong wan kamp trip taem hem i smol pikinini, Elda Steven R. Bangerter mo famli blong hem i ron long baeskel long ol waet rod i go antap long maonten. Taem hem i stap go daon, hem i lusum rod blong hem, mo i seperet long ol narawan.

Taem hem i bin nildaon long aftenun ia mo i prea long Papa we i stap long Heven blong kasem help, insaed long ae blong maen blong hem, hem i bin luk rod ia we hem i mestem. Taem hem i stat i go daon, “brata blong mi i kasem top blong rod ia long moto blong hem, i haggem mi, mo i lidim mi i gobak tru long tudak i gobak long kamp, we i plante aoa longwe.”

Aksiden ia i jes wan long ol plante taem we i mekem se hem i filim se oli lavem hem, long taem we hem i yangfala. “I neva gat wan taem long laef blong mi we mi bin askem miwan we man i lavem mi mo i kea long mi,” Elda Bangerter i talem.

Elder Bangerter i bon long Sol Lek Siti, Yuta, YSA, long 29 Julae 1961, mo papa i Max E., mo mama hem i Thelma R. Bangerter. Hem i gro i kam antap long Granja, Yuta.

Afta sam wik nomo we hem i bin kambak long Kanada Vankuva Misin, Elda Bangerter i mitim Susann Alexis Hughes. Long fasfala deit blong tufala, hem i luksave se sista i wantem go long wan misin, mekem se i pusum hem blong askem mared long hem long nambatu deit. Tufala i bin sil long Sol Lek Tempol long 17 Maj 1983. Tufala i papa mo mama blong sikis boe.

Elda Bangerter i kasem digri blong hem long Arisona Stet Yunivesiti long saed blong stadi long ol Relijin, mo i karem wan juris dokta digri long Wes Stet Yunivesiti Kolej blong Loa. Long ol las 25 yia, Elda Bangerter i bin ripresentem ol jos mo ol oganaesesen blong relijin long saed blong loa long Saot Kalifonia mo Saot Yuta. Hem i bin patna wetem Cooksey, Toolen, Gage, Duffy, mo Wood stat long 1993 kasem 2003, taem hem i kam manejing patna blong Bangerter Frazier, mo Graff long 2004.

Elda Bangerter i bin stap olsem wan Eria Seventi, stek presiden, kaonsela long wan stek presidensi, bisop, presiden blong kworom blong ol elda, mo wod Yang Man presiden.