Anaonsmen blong Seven Niu Tempol

Bambae oli bildim ol tempol long Salta, Ajentina; Bengaluru, India; Managua, Nikaragwa; Kagayan de Oro, Filipin; Leiton, Yuta, YSA; Rijmond, Vijinia, YSA; mo wan bigfala siti we bae oli talem yet long Rasia; hemia Presiden Russell M. Nelson i anaonsem long en blong Sandei aftenun sesen blong jeneral konfrens.

Jes bifo long konfrens, Fas Presidensi i bin anaonsem se bae oli dediketem Rom Itali Tempol long Sandei 10 Maj 2019, i go kasem Sandei 17 Maj 2019. Jos i soem tu wan peinting blong Bangkok Taelan Tempol.

Long Oktoba 2017, oli brekem graon blong Poroprens Haiti Tempol; Meridian Aedaho Tempol oli bin dediketem long Novemba 2017, mo Seda Siti Yuta (YSA) Tempol oli bin dediketem long Disemba 2017.

I gat tufala tempol we bae oli dediketem bakegen i no longtaem: Hemia i Yuston Teksas Tempol, long Sandei 22 Epril 2018, afta we hem i nogud from bigfala wota i ron; mo Jodan Reva Yuta Tempol long Sandei 20 Mei 2018, afta we oli mekem gud bakegen. Tu moa tempol, bambae oli dediketem samtaem long yia ia: hem i Konsepsion Jile Tempol long Sandei 28 Oktoba 2018; mo Barankila Kolombia Tempol long Sandei 9 Disemba 2018.

Hamilton Niu Silan Tempol bambae i klos long Julae 2018, blong oli mekem bigfala ripea wok long hem mo bambae oli dediketem bakegen long 2021.

I gat naoia, 159 tempol we oli open i stap raon long wol, wetem 30 tempol we oli bin anaonsem o oli stap anda long konstraksen.