Fakahokohoko ʻo e Ngaahi Talanoa ʻo e Konifelenisí

Ko ha lisi ʻeni ʻo ha ngaahi aʻusia kuo filifili, naʻe vahevahe lolotonga e konifelenisi lahí. ʻOku ʻuhinga ʻa e mataʻifiká ki he peesi ʻuluaki ʻo e leá.

Tokotaha Leá	Talanoá
Reyna I. Aburto	(78) Fai ʻe he Kāingalotu ʻo e Siasi ʻi Silei, Pelū, Mekisikou mo e ʻIunaiteti Siteití, ha tokoni hili e ngaahi fakatamakí.
Neil L. Andersen	(24) Naʻe lau ʻe Kathy Andersen a e ʻū lea konifelenisi lahi ʻa Palesiteni Russell M. Nelson he kuohilí, peá ne lotua ha fakapapau lahi ange ki hono fatongia fakaepalōfitá.
M. Russell Ballard	(9) ʻI he sio ʻa M. Russell Ballard ki ha foʻi tengaʻi mūsita ʻi Selusalema, naʻá ne manatu ki he ngaahi akonaki ʻa e Fakamoʻuí ʻo fekauʻaki mo e tuí.
David A. Bednar	(30) Ko e muimui ʻa Russell M. Nelson mo Henry B. Eyring ki he fakaafe ʻa Palesiteni Thomas S. Monson ke ako ʻa e Tohi ʻa Molomoná mo fakaʻaongaʻi hono ngaahi moʻoní.
Jean B. Bingham	(104) Ko e ngāue fakaetauhi ʻa ha Fineʻofa ki ha faʻē kei talavou ne siʻi “hē pea tuēnoa.” Ko e ngāue fakaetauhi ʻa ha ongo fafine ʻAfilika ki ha fefine naʻe tā mo kaihaʻasi ʻene koloá. Ko e tokangaʻi ʻe ha kau mēmipa ʻo e uōtí ha fefine ne puke ha kanisaá. Ko e ngāue ʻa ha kau finemui ke feau e ngaahi fie maʻu ʻa ha kaungāʻapi.
Gérald Caussé	(111) Kimuʻa pea fakangofua ʻa hono langa ʻo e Temipale Paris France, ne ʻaʻahi atu ʻa e kau mēmipa alēlea fakalotofonua ʻo e koló ki ha houalotu sākalamēniti. Ko e fiefia ʻa Gérald Caussé heʻene kei palesiteni fakasiteikí, ʻi he tupulaki e moʻui mateaki mo e tui ʻa e kāingalotú ki he Fakamoʻuí. Ko e fakamatala ʻa Gérald Caussé ki hano kaungāmeʻa ʻoku fie maʻu ʻe he fāmili kotoa pē ha maʻu lakanga fakataulaʻeiki ʻi ʻapi.
D. Todd Christofferson	(55) Ko e hanga ʻe ha kōlomu kaumātuʻa ʻo ututaʻu e ngoue ʻa ha tangata faama hili ha mālōlō ha kau mēmipa ʻo hono fāmilí mei he momokó (influenza).
Quentin L. Cook	(114) Ko e fakafonu ʻe ha ngaahi fakahā fakalangi ha kāingalotu ʻaki e fiefiá ʻi he fakatapui ʻo e Temipale Ketilaní. Ko hono ongoʻi ʻe Quentin L. Cook ha ʻofa mo e melino ʻi he Temipale Oakland California.
Massimo De Feo	(81) Ko e talaange ʻe he foha ʻo Massimo De Feo ki hono kaungā-akó ko ʻene tamaí ko e “pule ia ʻo e ʻunivēsí.” Ko e fakahaaʻi ange ʻe he faʻē ʻa Massimo De Feo kiate ia ha ʻofa lahi ange heʻene mei maté.
Devin G. Durrant	(42) Ko hono hanga ʻe ha kiʻi vaʻinga he efiafi fakafāmili ʻi ʻapí ʻo langaki e lototoʻa ʻa e talavou ko Devin G. Durrant. Ko e faitā ʻa e fāmili Durrant ʻi tuʻa he temipalé.
Larry J. Echo Hawk	(15) Ko hono fakafiemālieʻi ʻe he fāmili ʻo Echo Hawk ha ongomātuʻa ʻa ha fakaʻuli konā naʻá ne tuiʻi ʻo mate ʻa e tokoua ʻo Hawk mo hono tuofefine-ʻi he-fonó.
Henry B. Eyring	(61) Ne feʻofaʻaki e ongo kui ua ʻa Henry B. Eyring lolotonga ʻenau kolosi he mafaná. Ko e mahino ki ha talavou e meʻa ʻe lava ke fakahoko ʻe he kau maʻu lakanga fakataulaʻeikí ʻi heʻenau tauhi ki he ʻEikí. Ko e tokoni ha faiako fakaʻapi ki ha fāmili ne ʻi ai haʻanau fie maʻu vivili. (86) Hili e mālōlō e faʻē ʻa Henry B. Eyring, naʻe maʻu ʻe heʻene tamaí ha fakafiemālie mei he Laumālie Māʻoniʻoní.
Taylor G. Godoy	(34) Ko e hanga ʻe ha mate ʻa ha foha ʻo ha kaungāmeʻa ʻo Taylor G. Godoy ʻo ueʻi ia ke ne fakaʻaongaʻi e “toe ʻaho ʻe taha” kotoa pē ke moʻui fakapotopoto ange ai. Ko hono toʻo fakamātoato ʻe ha fefine Pelū ʻene ngaahi fuakavá hili ʻene feilaulau ke ʻalu ki he temipalé. Ko e fakaʻamu ʻa Taylor G. Godoy ke ne hoko ko e tokotaha ako lelei tahá hili e feilaulau ʻene faʻeé ke ako toketā nifó.
Gerrit W. Gong	(97) Ko hono fai ʻe Gerrit W. Gong ha fanga kiʻi talanoa mo ha hiva fakamohemohe ki hono ngaahi fohá.
Jeffrey R. Holland	(101) Ko e telefoni ha tangata ki heʻene faiako fakaʻapí ʻo kole tokoni hili e puke lahi hono malí.
Douglas D. Holmes	(50) Ko hono vahevahe ʻe he kau maʻu Lakanga Taulaʻeiki Faka-ʻĒloné ʻenau fakamoʻoní ki honau toʻú. Ko e ako ʻe he kau taulaʻeikí e ʻuhinga ʻo e “fakamafaiʻi ʻe Sīsū Kalaisí.”
Russell M. Nelson	(68) Ko e ʻikai lava ʻe he kau maʻu lakanga fakataulaʻeikí ʻo foaki ha tāpuaki moʻoni ki honau fāmilí pe kau fafine ʻoku ʻi ai hanau uiuiʻi foʻoú. Ko e tokoni ʻa Russell M. Nelson ki ha tangata ke ne toe foki mai ki he Siasí. (93) ʻI he kei talavou ʻa Russell M. Nelson naʻá ne manako ke ako ʻo kau ki he ongoongoleleí mo fakaʻamua ke silaʻi ia ki heʻene ongomātuʻá. Ko hono fahi ʻe he talavou ko Russell M. Nelson e ʻū hina kava-mālohí ko ʻene fie maʻu ko ia ke moʻuiʻaki ʻe heʻene ongomātuʻá e Lea ʻo e Potó.
Dallin H. Oaks	(65) Ko e hanga ʻe ha palesiteni kōlomu kaumātuʻa ʻo faleʻi ha mēmipa ʻo e kōlomú ke ʻoua ʻe nofo mei he ako ʻunivēsití.
Bonnie L. Oscarson	(36) Ko hono kole ki he finemui ko Bonnie L. Oscarson ke ne fakahoko ha fanga kiʻi ngāue mo ha uiuiʻi ne faʻa fai pē ʻe he kakai lalahí.
Dale G. Renlund	(46) Naʻe tokoni e ʻofa ʻa Paʻale mo ʻOasoni Palati ki heʻena ngaahi kuí, ke fakaleleiʻi ai hona vaá. Ko e tokoni e ngaahi tāpuaki ʻo e temipalé ke fakaakeake ai ha fāmili naʻe foaki ai e mafu hona foha ne maté ki ha taha kehe.
Lynn G. Robbins	(21) Ko hono poupouʻi ʻe he palōfesa ʻunivēsiti ʻa Lynn G. Robbins ʻene fānau akó ke nau lau e tō he siví ko ha akoʻanga pea ʻoua ʻe fiu he feingá.
Ulisses Soares	(98) Ko hono maʻu vave ʻe Ulisses Soares mo hono uaifí ʻena visá hili ʻena fakahaaʻi ha tui ʻe fakahoko ʻe he ʻEikí ha mana maʻanaua.
Gary E. Stevenson	(17) Ko hono maʻu ʻe Gary E. Stevenson ha fakamoʻoni ki hono fetongi ʻo e kau palōfitá hili e pekia ʻa Palesiteni Tēvita O. Makeí. Ko e fakahikihikiʻi ʻe ha tokotaha ako kimuʻa ʻa Toketā Russell M. Nelson ʻene founga faiakó.
Brian K. Taylor	(12) Ko e manatuʻi ʻe Brian K. Taylor ʻene kau faiako Palaimeli mohu kātakí. Hili e kau atu ʻa ha finemui ki ha fakatuʻutāmaki ʻi ha meʻalele, naʻá ne maʻu ha nonga heʻene ʻiloʻi ko e fānau ia ʻa e ʻOtuá.
Taniela B. Wakolo	(39) Hili ha maʻulotu ʻa ha tangata ʻi ha taʻu ʻe 39, naʻe papitaiso ha tangata mo hilifakinima pea sila mo hono uaifí kimui ange he temipalé.
Larry Y. Wilson	(75) Ko e fakaongoongo ʻa ha faifekau fakakautau Siasi ki he ngaahi ueʻi ʻa e laumālié, ʻo ne tokoni ai ke fakahaofi ha vaka uta koloa mo hono kauvaká mei ha afā.
Claudio D. Zivic	(83) Ko hono talaange ʻe Palesiteni Thomas S. Monson kia Claudio D. Zivic mo hono uaifí, ke na “kātaki ki he ikuʻangá pea te mo ikuna.” Naʻe hanga ʻe ha mama e kiʻi vaka kayak ʻa Claudio D. Zivic ʻo ʻai ke faingataʻa hono levaʻi e vaká.