2018
Toʻo Kongokonga Lalahi mei he Konifelenisi Lahi Fakataʻu hono 188
May 2018

Toʻo Kongokonga Lalahi mei he Konifelenisi Lahi Fakataʻu hono 188

Naʻe lahi fau e ngaahi ʻuhinga ne fakahisitōlia ai e konifelenisi ko ʻení, kau ai ʻa hono toe fokotuʻutuʻu foʻou ʻo e ongo kōlomu Lakanga Taulaʻeiki Faka-Melekisētekí pea mo ha ʻēpoki foʻou ʻo e ngāue fakaetauhí. Kae mahalo ko e meʻa ne tau fakatetuʻa taha ki aí ko ʻetau maʻu ko ia ha faingamālie fakafoʻituitui ke hikinimaʻi ʻa Palesiteni Russell M. Nelson ko e Palesiteni hono 17 ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

Ko ha Fakataha Molumalu

ʻI heʻetau tuʻu ʻo hikinimaʻi ha palōfita mo ha Palesiteni foʻoú, naʻe ʻikai lau ʻetau hikinimá ʻe ha faʻahinga tauhi lekooti fakaetangata; ka naʻe fakaʻilongaʻi ia ʻi he langí ko ha fuakava mo e ʻOtuá.

Ne tau mātā he lolotonga e konifelenisí kotoa ko e Siasi ʻeni ʻo e Fakamoʻuí pea ʻokú Ne hanga mo ʻEne kau tamaioʻeikí ʻo tataki ia. Ne tau mātā ai e anga ʻetau takitaha fetuʻutaki mo e palōfita moʻuí—kae ʻikai ke ne vaetuʻua kitautolu mo e Fakamoʻuí ka ʻokú ne tuʻu hotau tafaʻakí ʻo fakahinohino mai e hala ki he Fakamoʻuí. Ne tau aʻusia e faingamālie ke maʻu ha “fakamoʻoni fakatāutaha ko e haʻu e uiuiʻi ʻo Palesiteni Nalesoní mei he ʻOtuá” pea ke fakamaʻunga “hotau laumālié ʻi he ʻEiki ko Sīsū Kalaisí [ʻaki] ʻetau fakafanongo ki he niʻihi ʻokú Ne fekauʻi maí” (vakai, ʻEletā Neil L. Andersen ʻi he peesi 26).

  • ʻOkú ke ʻilo lahi ange kia Palesiteni Nalesoni mei he fakamatala peesi ʻe 16 makehe ʻoku tānaki atu ki he Ensign mo e Liahona ʻo Mē 2018.

Hikinimaʻi ʻo ha Kau Taki Foʻoú

Makehe mei hono hikinimaʻi ʻo Palesiteni Nalesoní, ne tau hikinimaʻi foki mo ha kau taki foʻou ʻe toko 70 tupu.

  • Te ke maʻu ha lisi ʻo e niʻihi ne hikinimaʻí, ʻo kau ai e Kau Fitungofulu Fakaʻēlia foʻoú, ʻi he peesi 6–8, 28–29.

  • Lau e fakamatala piokālafi nounou ʻo e kau taki foʻoú, ʻo kamata he peesi 121.

Ngaahi Liliu ki he Ongo Kōlomú mo e Ngāue Fakaetauhí

Neongo ʻoku tokangaʻi ʻe he kau palōfitá, ka ʻoku hoko e ngaahi fanongonongo ne fai ʻi he konifelenisí ko ha “ngaahi sīpinga ia ʻo e fakahā [mei he ʻOtuá] ʻokú ne tataki e Siasí ni talu mei he kamataʻangá,” ko e lea ia ne fai ʻe ʻEletā Jeffrey R. Holland (vakai ki he peesi 101).

  • Lau e fakahinohino ki hono toe fokotuʻutuʻu foʻou ʻo e ongo kōlomú, meia Palesiteni Nalesoni, ʻEletā D. Todd Christofferson pea mo ʻEletā Ronald A. Rasband, ʻo kamata he peesi 54.

  • Lau e fakahinohino fekauʻaki mo e ngāue fakaetauhí meia Palesiteni Nalesoni, ʻEletā Hōlani mo Sisitā Jean B. Bingham, ʻo kamata he peesi 100.

  • Ki ha fakamatala lahi ange ʻi he ngaahi liliu ko ʻení mo e maʻuʻanga tokoni faifakahinohinó ʻi he konga ki he ongoongó ʻi he peesi 132–33.

Tānaki Atu ha Ngaahi Temipale

Ke fakaʻilongaʻi ʻetau “pōpoaki ki he māmaní, ʻoku tau fakaafeʻi ai e fānau kotoa ʻa e ʻOtuá he ongo tafaʻaki ʻo e veilí ke nau haʻu ki honau Fakamoʻuí, maʻu e ngaahi tāpuaki ʻo e temipale māʻoniʻoní, maʻu ha fiefia ʻoku tuʻuloá pea moʻui taau ke maʻu e moʻui taʻengatá,” ko hono fanongonongo ia ʻe Palesiteni Nalesoni ha temipale foʻou ʻe fitú.

  • Kumi hake ʻa e ngaahi feituʻu ʻe tuʻu ai e temipale foʻou ʻe fitú, mei he peesi 133.