Toe Fokotuʻutuʻu Foʻou ʻo e Ongo Kōlomú

Naʻe fanongonongo ʻe Palesiteni Russell M. Nelson lolotonga e fakataha lakanga fakataulaʻeiki ʻo e konifelenisi lahí, ʻe fakatahaʻi ʻi he uooti (pe kolo) kotoa pē ʻa e taulaʻeiki lahí mo e kaumātuʻá ʻo hoko ko ha kōlomu pē ʻe taha ʻo e kaumātuʻá. ʻE kei hoko pē ʻa e kau palesitenisī fakasiteikí ko e kau palesitenisī ʻo e kolomu taulaʻeiki lahi ʻo e siteikí, ka ko e kau mēmipa ʻo e kōlomu ko iá ʻa e kau taulaʻeiki lahi pē ʻoku nau lolotonga ngāue ʻi he kau palesitenisī fakasiteikí, kau pīsopelikí, fakataha alēlea maʻolungá, mo e kau pēteliake ʻoku lolotonga ngāué.

ʻE tataki ʻa e kōlomu kaumātuʻá ʻe ha kau palesitenisī ʻe lava ke kau ai ha kaumātuʻa mo ha kau taulaʻeiki lahi. ʻE lipooti hangatonu ʻa e palesiteni ʻo e kōlomu kaumātuʻá ki he palesiteni fakasiteikí pea toutou fakataha mo e pīsopé. ʻE kei tuʻu tatau pē ʻa e ngaahi tuʻunga ʻo e lakanga fakataulaʻeikí. ʻE tukuange leva ʻa e kau palesitenisī lolotonga ʻo e kōlomu kaumātuʻá mo e kau taki ʻo e kulupu taulaʻeiki lahi ʻi he uōtí [pe koló], pea ʻe uiuiʻi ʻe he palesiteni fakasiteikí ha kau palesitenisī foʻou ʻo e kōlomu kaumātuʻá.